疲倦

近排肩頸越來越酸痛，雙腳行一陣就好攰，應該唔係病，原因未明，我估可能與天氣有關。

今朝太忙都冇幫老公打點好返工既既，我問老公呢樣、果樣有冇拎，佢係唯獨是煙冇拎，叫佢拎又唔駛，我吩咐佢唔好買煙。

我係〝麥麥〞買左早餐，歸家後拿拿淋吃完帶阿B返學，然後又要趕去〝樂富~房署〞與帶細舅父、細舅母和表姐合會。尋晚收到阿媽通知佢地今日去交表，仲話細舅母買左蜜糖，而表妹又買雞蛋要我拿回去，又要記緊拎梅菜係幫細舅母買。我諗夾埋一定重，就算蜜糖細罐，密度咁高都重喇！我肩頸和腳都痛，但咁有心都要攞！真係未老先衰，最衰book唔到場打波喇！

阿媽話我十點半去到就可以，我見仲有時間就行左去〝吉之島〞，我講過今個月唔買野，但係而家日日都煮飯，餸就細碟就大，問過老公都讚成我買細碟，去到未開門，我就行行企企等十點開舖。我今日係〝十蚊店〞第一個顧客，我向我既目標進發，碗碟唔夠悅來邊多花款，我就買左3隻。

我慢慢行去房署，見唔到佢地，但見到好多人，等我去攞定籌先。我係大堂等，又怕個籌過左就打比表姐，佢地已到門口。今次多人攪左半個鐘，終於成功收左申請表，而家等收藍咭。

我除左蜜糖和雞蛋外，細舅母仲買多一大袋臘腸和豆豉，表姐盒豆豉唔要又比埋我，我就孭住重重既行裝回家，想買lunch回家吃都不能，雙腳又攰又冇力再行，我諗當時我身上負重二十幾磅，我回家煮個麵食算。返到家先失手打爛左幾隻蛋，每隻蛋都包左紙巾架！每次packing都係咁。

今朝坐車時不停諗煮咩餸，諗到煮〝釀雞翼〞，回程時就叫阿婆幫我係冰箱拎雞翼溶雪先，但返到去成個人都好攰唔想郁，所以都係放棄唔整。

晏晝有朋友來電傾左好耐電話，大家講煲湯和煮飯，講開我又想煲〝青紅蘿蔔湯〞，但時間唔夠明天先煲，最快都係煲〝排骨番茄薯仔湯〞。而餸方面我問老公，老公話食〝茄汁豬扒〞，上網搵到自己再更改一下，再炒多個菜就攪掂。

頭先熊貓姐姐來電問〝星期日BBQ點？〞，我地每年十月高達叔叔生日都會係攪BBQ，但而家打風多數都要取消~擇日重賽。夜晚睇電視時發現原來以前睇開個醫生做左無國介醫生，佢把聲都仲係咁沙和個樣都冇老到，但前排經過佢間診所仲係到。

今日老公返工回來聞下包煙，佢今日真係冇食過煙，lunch時見到個同事都係係尋日開始戒煙。老公話公司partime幫佢買左煙，佢一拎到就立即擺晒落抽屜~真忍得。開飯前同我講食一支煙，我鼓勵佢食，邊可以一下止戒晒！要慢慢過度先得架！忍得太勁，可能會有反效果。