爆嘴

今日阿B要去〝協康會〞上〝言語治療〞，所以又係下午請左假。

今次治療師話佢應該係未識分個頭與下諤係可以分開郁，
當要講一D合唇字時就連個頭都郁埋，怪唔知得佢叫〝阿伯〞既時候特別激動。

治療師又做左個測試，佢話阿B牙唔夠力，又問平時食菜、肉咬唔咬到？
我話平時佢地係用剁碎豬肉蒸汁或蒸魚汁撈飯比佢食，
但我係到就要佢食餸，我已經同佢地講過都係咁！

今朝返到去見到阿B個嘴唇紅紅地，就問咩事？阿媽話佢尋晚係房門口趴街，
仲流左好多血，換左好多衫，我諗緊係好痛，
不過，佢有打不死既精神，好快就曳過。

我湊左阿B放學，坐巴士去拎相機，我知佢眼瞓，問極佢都擰頭。
上到去男女職員都認得阿B，臨走時個男職員又比左粒糖阿B吃。
我影左好多幅先影到佢個嘴咋！
睇下~紅都不單止，仲有膿添丫！好似人地生痱滋咁！我都唔知點好。

之後坐巴士去〝新都會〞，呢程巴士阿B就瞓，但眠左半個鐘就要落車。
跟住去A-1買包比阿B吃，阿B食食下紮馬，我心都知咩事，
我等佢食完先去換片，佢D臭真係臭死人。

係〝協康會〞出面個公園玩一陣先入去，今次阿B夠高做引體上升，
當然冇大人咁犀利喇！佢只係雙腳離地啫！上次都唔夠高，今次已夠高喇！
2次相隔都唔係好耐，平時都唔覺佢高左，小朋友真係大得快。

之後我湊左阿B去我家等娣婦來湊佢，阿B一入屋就走去床拍，我話丈丈唔係到，
佢就轉移目標拎巴士玩。我貼左瘦既相出來激勵自己，阿B見到即刻指住，
佢咁都識得出係我，真係醒。