成日攪錯

今朝7點幾娣婦來電，佢與阿B今日會放假，晏D會帶阿B去睇醫生，而且叫我不用太早上去，因為醫生冇咁早開。

我煮左個早餐吃，然後約9點就行路回娘家，我返到去見到肥仔係到，因為肥仔請假，所以娣紗返工，咁又係娣婦冇晒假要扣錢。

我覺得老公與肥仔電話號碼好相似，而肥阿哥與娣婦個電話號碼又好相似，所以我成日都打錯電話，今日又係我有事要搵娣婦就打左比肥阿哥，有事搵肥阿哥又打左比娣婦，其實，佢地電話實際唔係好似，我硬係成日都攪錯。

阿B睇完醫生，肥仔話肚餓，所以11點幾就去左食晏。食完晏就去〝吉之島〞行下，我買左塊燒烤網，我諗住用佢當做放涼架！用緊既細得滯，行左1小時就回家。

之前我知今晚係娘家吃，因為老公約左老爺吃飯，我諗住煮〝蘿蔔炆牛仔腩@柱侯醬〞，但肥仔又話唔想食牛腩。今朝問我煮咩餸？我話一陣買豬扒煮〝茄汁豬扒〞，肥仔又話唔洗買，煎午餐肉煮〝番茄午餐肉〞咪得囉！

阿媽買左茄子，但佢切到大大舊放係飯面蒸熟，但飯熟左佢都未熟，我就邊煮〝番茄午餐肉〞，而另一邊爐用平底鑊炒茄子，但太大舊，我將佢再剪開一半先炒到，吃過都話好味，我係第一次煮茄子，估唔到咁成功，但由於出於特發，邊煮邊諗，所以冇食譜，下次有機會再煮先寫食譜。

我煮餸係戴另一副眼鏡，因為成日都有油彈到，但係今日係娘家走時，忘記左換返副出街眼鏡，返到屋企先知，成日都咁〝烏龍〞既。