我與〝愛Ying〞第一次見面

之前我應承左〝愛ying〞若然月餅成功就送給她，但整左2次都失敗，後來轉做
〝迷你月餅〞就OK勒！雖則未食都應該都冇問題，但時間緊迫點比〝愛ying〞呢？吖~記起今晚我和老公約左老爺食中秋節飯，而我地食飯地點都可以話近〝愛ying〞屋企，所以就約今晚喇！

今日早上我整埋〝米奇鳳梨酥〞一併送比〝愛ying〞，當然會送埋比老爺喇！不過，今日甩模都有D困難，攪到走走地樣。

我地約左晚上7點，約7點〝愛ying〞來電，我心諗〝死勒！我遲到，要〝愛ying〞等添！〞，但原來大家都未到，個心都好D。後來我塞車，〝愛ying〞到左我都未到，我塞左3、4個字先落到車，跟住我就半跑咁行，真係唔好意思第一次見面就遲到。

我地冇問大家既特徵，但我離遠已確定站在遠處高高的女孩就是〝愛ying〞，我行到埋去問：『你係咪〝愛ying〞丫？』，吖~我眼光唔錯，冇認錯人。

我想像中既〝愛ying〞係一個小妹妹，現實中〝愛ying〞比我想像中高，我要抬高頭與她說話，因為我要趕去與老爺食飯，所以傾左幾句就要走，最衰塞車喇！

由於太怱忘我都未能睇清楚〝愛ying〞個樣，而家印象比較模糊。我覺得自己好衰，又遲到又淨係傾得幾句就走，個心有D內疚，希望〝愛ying〞鍾意我送比佢既野喇！下次有機會再見面要坐低傾下先。