成功感@月餅

今次整既迷你月餅係用另一個食譜，雖然未食，但我都好滿意，不論外表或包餡都冇乜蝦碌，亦算順利。我覺得整迷你好過正常size，因為食譜都係迷你，正常size真係好難預份量。

我應承左〝愛ying〞即係〝細番薯〞請佢食我親手整既月餅，不過，之前兩次都唔多成功，我諗今次應該冇問題喇呱！

第一個餅又係好樣衰，甩極都甩唔到，我就係個模和麵糰上都灑上粉，第2個就good喇！

我用左2個款既模片，第一批我壓得比較大力~模難甩，所以焗完個樣仍然健在，但第二批就細力D~模易甩，焗完個樣都唔多清楚，下次都係大力D。