食‧咳‧嘔‧痾@瑪嘉烈 (19-9-2008)

今日瑪嘉烈化驗報告出左，阿B染左〝諾沃克病毒〞，傳染性極高，
所以轉左病房。詳細情況遲D再寫。

尋晚由娣婦照顧阿B，今朝阿媽8點半前已到醫院接手阿B，
娣婦就直接由醫院回公司。

今朝我拎舊的MP4機出來charge電，因為我搵唔返download Pingu既software，
又冇時間去研究落新MP4到，所以我都係用封箱膠紙封左個晝面，
肉酸都要，唔係阿B扭計攪唔掂。

佢睇Pingu幾開心。

朝早醫生巡房話佢精神過尋日。

又係遊戲師送既禮物，上次來這裡都送左呢個波波比佢。

衰仔對腳唔停，不停穿梭於床鐵欄上。

有時用腳趾夾住條欄，一時又玩一字馬，
有時又吊晒2隻腳係外面，一時又成90度角，真係多花款。

又玩下伸脷仔~

阿B轉左病房，去左間係感染左〝諾沃克病毒〞房，房只可容納2張病床，
同房的小朋友放假回家，所以而家得阿B一個人。

阿B看似唔開心，其實，佢開心到震，不停講野，又肯坐。

又不停扮鬼臉，又fing頭，情況好左好多，總之開心過之前間房喇！
可能之前間房多人。今晚由肥仔當夜更，我與阿媽等到肥仔來就走人。