食‧咳‧嘔‧痾@瑪嘉烈完結 (21-9-2008)

今日11點幾收到娣婦來電報信，阿B出院喇！仲有4個護駕添啵！
邊4個？咪就係肥阿哥、阿嫂、肥仔和娣婦。

佢地接過阿B後就去左肥阿哥家，而且衫都係肥阿哥邊洗埋，
因為可以係天台曬下、殺下菌。頭先打過去問阿B如何？衰豬訓左，
醫生又開左D藥比阿B，唔眼訓時精神唔錯。

尋日都與娣婦講過阿B出院後都唔好返學住，原來佢個想法都與我一樣，
大家都係諗住阿B出院後再休息一個禮拜先返學。

我都忘記左講一件事，就係阿B係轉房前又有名新丁入住，呢名新丁係女孩，
佢與阿B都幾有緣，因為佢地係同一間醫院出世，而且係同年、同月、同日，
不過，個女孩就大阿B幾小時，真係好難會咁啱撞到。