豆瓣沙茶牛肉粒 (內附食譜)

今日想攪攪新意思，所以用左〝辣豆瓣醬〞和〝沙茶醬〞煮左呢味〝豆瓣沙茶牛肉粒〞，不過，老公唔多喜歡個汁，而我就覺得OK啵！所以口味各有不同。

豆瓣沙茶牛肉粒

材料：

牛肉粒                  200克

洋蔥 (細)              1/2個

老抽                      少許

糖                          少許

調味料：

沙茶醬                  1湯匙

辣豆瓣醬              1湯匙

糖                          1茶匙

生粉                      少許

醃料：

糖                          少許

魚露                      少許

胡椒粉                  少許

橄欖油                  少許

水                          少許

老抽                      少許

生粉                      少許

做法：

1.          將牛肉用醃料醃一陣。

2.          爆香洋蔥，加老抽和糖同炒，炒勻盛起。

3.          牛肉粒落鑊炒熟表面，將洋蔥回鑊炒勻。

4.          調味料除生粉外加入鑊兜勻至熟。

5.          最後加個生粉獻，即成。