食‧咳‧嘔‧痾@瑪嘉烈 (18-9-2008)

今晚娣婦接夜更，原本我諗住係我，可能佢唔想我連踩2日咁辛苦。
明天阿媽放假，所以我會與阿媽睇阿B，不過，要8點半前到，因為娣婦要返工。

尋日入院後又肯食野，而且冇痾和嘔。今日阿B早上精神都不錯，但唔係食粥，
後期連水和寶礦力都唔飲，只肯食少少奶。約中午阿B開始又痾和嘔，
而且體溫又常常擲介37.5度，即係有微微燒。

朝早醫生巡房，我話阿B有好多痰，但醫生話開化痰藥會咳得仲多，
而且佢又唔識吐痰，所以想開藥令佢辛苦。

阿B由下午3點3開始就好扭計，佢要我不停拍佢，一停就扭，
拍到佢訓就可以停，但一醒就要拍，這動作維持到7點幾，真係拍到我手都軟埋。
醒既時候又抓隻耳仔，主診醫生睇過，開左支藥膏搽耳仔，
我又同醫生講〝佢Pat Pat有D紅、喉嚨有好多痰，又成日都擦鼻，
唔知係咪塞左〞，又開多支藥膏搽Pat Pat和開左一次〝三合一〞藥，
這藥可以化痰、通鼻和止咳。

阿B係6點幾開始發燒38.4度，護士話未到開藥既度數，到8點再探38.5度，
到我臨走前就派退燒藥，但食左少少又嘔要抖抖。

尋晚坐的士回家樓下〝惠康〞買野，跟住回家食飯、拎外套、玩具和臭屎被。
我回到去原來肥仔已經訓緊，頭先佢已經拎左臭屎被去醫院。

我去到醫院見阿B已吊緊鹽水，而且抽埋血添！
我見佢隻手冇上次〝再並肩作戰@瑪嘉烈 (7-5-2008)〞咁多個窿，
娣婦話呢個醫生好快手，我接手後娣婦就回去。

呢個係遊戲導師送比阿B玩架！

今次阿B又係住上次果間房，但上次個床位已有人，佢訓係上次隔離個位，
即係係矛厠旁。間房有4個床位，只有一個空缺，半夜又有一個小朋友入院，
而家間房又滿座。

阿B唔肯食奶，因為醫院奶樽個咀與慣用的不同，
夜晚11點幾打回去諗住叫阿媽拎奶樽來，但娣婦拎來。到半夜2點幾食左3安奶，
之後我都訓，不過，每一個鐘醒幾次，因為阿B郁要睇下佢咩事。

今朝起身同阿B玩，訓醒又開始扮鬼臉。

肥阿哥9點幾都來到，仲係買左2個包比我做早餐，又拎左D玩具來比阿B。
再晏D阿B坐起身玩車，精神都好好多。

阿嫂食完lunch，就買〝麥麥〞來比我與肥阿哥吃，之後又趕回公司。
早上隔離床位出院，晏晝又來左個新丁，又再次full house。

醫院送左張貼紙比阿B。