得 or Duck？

每日阿B起身就會問佢〝睇唔睇小朋友丫？〞，即係開電視睇ATV World，因為ATV World每朝早上8點-10點都有Baby TV睇，係Now既兒童台都有播緊。阿B唔係坐定定睇，不過，有某D佢鍾意既環節咪企或坐定定睇！

剛才有個環節播出一隻真實既鴨，阿B企係電視前望住，然後電視內有人讀〝Duck〞，阿B隨即又讀〝Duck〞，咁緊係冇左個〝K〞字音喇！實際都唔知佢真係想講〝Duck〞定〝得〞，但呢2個字佢從來都未講過。

阿B難度你想向高難度挑戰學外語先，但〝咕媽〞英文〝呀呀嗚〞，你都係學好母語先喇！

阿B過多個零月就讀〝Per-school〞，尋日肥仔與娣婦去左阿B讀書既學校聽野，原本帶埋阿B去，不過佢訓左，〝四大長老〞都怕佢返學比人蝦，因為佢未識講野，阿B返左學我就悶，所以可能會湊左佢返學後就回去老公家，到放學就接佢回家。