Mood去了那裡？

今朝6點幾老公起身熄冷氣，我好醒訓又點會唔知，點知我郁一郁隻腳就抽筋，小時候開始常常係半夜時隻腳就會抽筋抽醒我，但唔知幾耐開始漸漸少左，而家有時想伸下懶腰或郁下隻腳feel到隻腳想抽筋，我就會立即停止所有動作，等佢自己舒緩一下。

我坐左起身用手禁住隻腳，但隻手唔覺意批左老公一野，佢有D勞氣問我咩事？我話隻腳抽筋丫！佢就起身幫我整。不過，起身後隻腳仍有想抽既感覺和酸攰。

今晏晝等到阿媽放工3點幾返到，我又同阿B玩左一陣，約4點我就回老公家，因為近排天氣唔好肩頸都好痛、隻腳又抽抽地、又唔駛帶飯比老公，而我又食減肥餐，種種因素之下就回去。

起初諗住整餅，但有朋友來電問下我近況，大家都講左好多野，講大家結左婚幾耐，都唔覺自己老，但一講到見到D小朋友唔認自己老都唔得，眨下眼阿B又話讀〝Pre-school〞勒！

掛線後開始磅材料，但糖霜唔夠，所以放棄左想整既野！咁我又搵下再有咩可以整喇！又諗下整左我又唔食得，平時整完都幾乎唔會食，但突然想到唔食得，又再搵搵下連Mood都冇埋索性唔整。其實，尋日我6點幾食完減肥餐又唔駛帶飯比老公，所以就回老公家去，見咁早都諗住整下餅，但〝整下呢、整下撈〞又夜，咁就放棄左。兩日都檀唔成，唯有擇日重賽喇！

突然，記起老公尋晚話間屋好污漕，所以我就掃地拖地，平時老公係到我唔好以將全屋既野離地，而家趁佢唔係到就可以澈底執一下勒！

頭先返嚟拎左袋好重既野就忘記左要去買金菇，又唔想落街就叫老公放工幫我買，佢話放工去到再打比我，我問佢晚餐食乜？佢話唔知。

今日lunch冇食到沙律，唔知係咪咁就特別肚餓，餓到有D胃痛，所以一陣叫老公幫我買多個西蘭花，順便買埋西柚。老公諗左好耐先諗到去買粉食，不過佢買晒野比我之後先再自己再落街買粉食，因為粉要去另一邊買。

老公〝惠康〞西蘭花唔知幾多錢3棵，我用刀仔cut時好淋，食落就好苦仲好似有農藥味添！我煮左一棵食左幾舊，連未煮2棵都棄掉左，而西柚買左2個，前面深色係我之前買與老公2個相比，佢果2隻一定好酸好難食，我諗住〝鷗〞下先。

前幾日老公講明晚零晨2點45分有波睇~荷蘭vs俄羅斯，佢係荷蘭粉絲緊係想睇喇！不過，要去肥阿哥家先有得睇，因為Now先有得播，但佢又唔知肥阿哥睇唔睇，怕阻住佢地訓覺。

頭先老公又再提多次，冇幾耐阿嫂來電問明天有咩攪作？我就將老公想睇波既事話左比阿嫂知，不過，老公又話要睇明天幾點放，因為佢怕好攰支持唔住，講講下阿嫂話肥仔明天要返工，都係問一問娣婦會唔會回娘家吃飯，若然係就會帶埋阿B去，然後再打比我。娣婦要回娘家吃飯，咁我地就明天再聯絡睇下點樣，先決定。