開心逛〝百佳〞

尋日老公病左〝腸胃炎+感冒@老公〞，所以今日佢可以休息一天，我當要又要休息一天來照顧佢喇！

今朝約11點表姐來電我都未起身，問有關我食緊既〝12日醫院減肥餐單〞是否有效？雖然，磅數係反反覆覆，但整體來說是減到既！因為佢預備暑假期間帶囝囡回鄉過時， 一家一齊跟這餐單去減。

之後我都起身寫Blog，又叫老公起身食藥，佢食完再訓，訓前叫我2點到叫佢起身去買野食，我都要買野，所以就話一齊去。我又問佢要唔要我整食麵包、蛋撻佢食？佢全都話唔駛，但係我話〝鬆餅〞呢？佢就話要。

老公起身睇完樓下茶餐廳menu後，就話冇野食得，因為要介口煎、炸、辣都唔食得，所以就向地鐵站出發，因為佢要買奶茶和佢叫我去百佳買埋D野。

今日與老公拍住拖去行〝百佳〞個感覺好sweet，唔知點解個感覺係突如其來。我叫老公比〝易賞錢卡〞我scan下有咩着數，之後就比返佢。雖然，呢間係中小型舖，但貨好齊全和貨種多，我行得好開心，行到我最主要嚟買既野都唔記得。

我地都買左好多野！老公仲買左好多我唔食得既野添丫！老公見到買〝維他~檸檬茶〞2pack就送100ml維他奶或麥精，100ml細細包佢就諗起阿B，所以就買左將佢轉贈比阿B。

〝麥芽糖〞而家好難買，我係〝惠康〞見到呢隻〝麥芽糖〞減價都要15.8~2件，而家〝百佳〞減價7蚊，緊係買喇！

我地結賬時老公唔見左張〝易賞錢卡〞話用我果張，我就係冇帶先拎你張，佢話我冇比番佢，真係激死我，我明明比番佢又話冇。咁我地就行埋一邊搵，我地搵勻全身都冇，突然老公向前指住地下，我擰轉頭睇係我地頭先條隊其中一個位置既地下，好明顯係我比番佢，而佢冇放回銀包，而放左係褲袋喇！到佢拎銀包時咪跌左囉！頭先仲發晒老脾話我冇比返佢，之後我緊係有話佢幾句喇！嘻~嘻~

我去幫老公買奶茶，佢冇胃口就去麵包舖睇下有乜吃，不過，無功而回，因為麵包好貴，豬扒包都要十幾蚊。之後我回屋企樓下買野，老公就去又平又好味既麵包舖買包食。

回到家已經4、5點幾，所以我冇整〝鬆餅〞，但整左〝手指餅曲奇及圍邊 (Lady Fingers and Ribbon Sponge)〞，老公試左OK，但我等其他人都試埋真係OK先舖食譜。晚餐老公都係吃〝江瑤柱粥〞。