今日晏晝我等阿B訓左就開始整理一下〝7‧1北上〞資料，我將要去既地方print左地圖和地址出嚟 for reference。不過，我冇搵到夜晚吃乜，因為有朋友間中都會北上，若然佢去佢會帶我地去食野。
我今晚煮左3款餸：炒菜心、甜豆欖菜炒豬菇粒、生炒骨，但生炒骨個汁我係買〝李錦記~酸甜汁〞，我一直都好想自己教個汁，但係一直都唔敢，因為怕失敗囉！仲有尋晚既豆角叉燒煎蛋。
我已經搵左好多地方都搵唔到呢個〝白鵝牌~酥甜辣椒菜〞，每次吃粥都想食，但又買唔到，我與老公都覺得好似差咁D野咁！
今朝見到屋企有就記起樓下士多應該有得賣，所以晏晝我落去昅下，唉~真係有，我想買多D，但我地又唔係成日食粥，我就買左2罐。
生炒骨好好味架！我婆婆整個D都係呀
回覆刪除你整個D都一樣係呀！
[版主回覆06/27/2008 23:53:00]多謝！
生炒骨要炸得夠脆先至得, 仲要係加o左汁之後都仲要脆, 真係幾高難度. 你個生炒骨o既炸漿係點整???
回覆刪除[版主回覆06/27/2008 23:55:00]我之前係上左粉後再上雞蛋，但睇完娣婦本書教係上左雞先後上粉，但我覺得我之前個做法好似好D，但本書話佢咁做先係正確，我都要再試試先！