剪髮@19 June 2008

阿B睇住〝Noddy〞本書就已經好開心喇！

阿B晏晝12點幾邊玩車邊釣魚都唔訓，我都訓左幾覺喇！
阿媽原本話尋日帶阿B去剪頭髮，不過，尋日天氣唔多好，所以我話今日先喇！

我、阿公、阿媽一齊帶阿B落去，我放低阿B後就出左去整少少野！
我返回髮型舖時，佢地話我一走阿B就喊，喊到我返嚟！
髮型師一邊剪阿公就一邊叫剪短D，阿B而家都好短喇！仲要短D？

返到去立即洗白白，你睇佢攰到。

好快就訓左，佢呢個〝青蛙睡姿〞維持左1個小時有多都冇郁過。

訓左2個小時有多後就醒，但唔願郁喎！個樣仲悶悶不樂添！

於是我抱起佢，佢指住餐檯，嗯~我知咩事，你食唔食奶奶丫？
佢唔答我，但就指住麵包。

睇下佢食完~幾〝龍精虎猛〞。