哭了@太公不見了

今朝娣婦同我講阿B尋晚喊，當然有問原因喇！但娣婦講得好細聲，
因為阿B係隔離怕佢聽到又喊。雖然，阿B唔識講，但佢好有性。
尋晚娣婦問阿B‧‧‧

娣婦：『同太公訓好唔好丫？』，阿B立即走去太公張床掀開塊布。

娣婦：『太公唔係到丫！入左醫院。』，嘩！阿B聽到立即喊。

娣婦：『唔係，唔係。』，咁樣先收聲咋！

每次落街前我要佢同全屋人〝拜拜〞先出門口，今朝如常喇！
不過，佢自己走去太公張床到同太公〝拜拜〞，太公都未出院，
所以我話〝得喇！得喇！走喇！〞。

阿B落街見到白鴿好開心，之後去左〝惠康〞同左個職員傾計，
阿B唔講野佢都話阿B懶。我都有同佢講為左阿B間中都有與四大長老吵嘢！
佢叫我唔好同佢地嘈，一嘈就自己帶阿B去街。

返到屋企陪阿B睇電視，我睇睇下就訓左，阿婆話返我知，
頭先阿B要阿婆抱佢係窗口睇街，但阿婆話〝唔得，太婆唔夠力〞，
阿B就走去拎張高櫈，咁就可以睇街喇！真係醒目。

阿B玩太公個臉盆。

太公晏晝出左院喇！D瓜係表姐個奶奶係鄉下種架！
包保冇農藥和新鮮，我地間中都有靚蔬菜食架！

米奇車係有音樂又會自動行，佢成日都唔比佢郁，
不過，咁樣都未爛真係〝襟〞玩。