端午節@2008

今日屋企做節~〝端午節〞，所以阿媽放假，亦係同老公同耐第一次冇出席屋企呢類活動，因為公司多野做。

我訓到十點幾先起身，距離晚飯有段時間又見佢地好鍾意食〝合桃酥〞，咁不如整埋麵包喇！平時我整完都係要隔夜佢地先食到，咁就一陣整，跟住食飯時比佢地先。

我拎左本書睇整咩好呢？睇到材料~係喎！要用奶粉，上次用晒未買，記起星期日會見到熊貓姐姐，於是我就打比佢請佢幫我買，咁唯有only整〝合桃酥〞先。

今次焗與上次都唔同既，比上次燶好多，個焗爐攪咩丫？有時真係比呢個焗爐激死我，上次睇〝法証先鋒II〞見Connie姐個焗盤好大，就同老公講呢個焗爐可以放得落上次買大左焗瑞士卷既焗盤架！我遲D又要買咁大既焗爐，老公點頭，不過，等我搵到野做先買，我都好想快D做野。

左邊果碟我唔記得掃蛋汁，所以個樣唔多似，其實，我好大頭蝦架！因為我成日都唔記得掃蛋汁。

肥阿哥約6點來電娥7點到酒家吃飯，掛線後〝拿拿淋〞洗埋D野、執埋D野和洗埋白白就出門口。

呢間酒家最出名係〝雞〞，而佢既沙拉骨又好好味，沙拉骨呢家野唔係到到好食架！

老公與同事晏晝lunch都冇得食，到3、4點叫office同事幫佢地買〝麥麥〞食咋！佢6點幾先吃埋個薯條，佢話可能要12點先放工，都冇野好食喇！一係煮麵、一係食〝麥麥〞，但老公不喜歡它，所以我就拎飯比佢食。我夾起左D餸和叫左碗飯砌左個靚靚飯盒比老公，走既時候唔記得拎，好在肥阿哥幫我拎左咋！嘻~嘻~！

走既時候把傘開唔到，有一邊好似有D問題咁！唔係丫嘛！把傘我用第2次咋喎！返到去睇下真係有節骨斷左，唉！近排用咩都係2次就出問題，咁黑架！

我話比老公知，老公話買過把，都係唔好貪輕身D骨太軟。