腸胃炎+感冒@老公

16 June 2008

今日肥仔放假朝早就左問肥阿哥幾時回家，所以今晚後生既都唔係屋企食飯。

老公lunch後來電話我知佢肚痾，並且有D發冷，仲叫我唔駛帶飯比佢，佢想食粥。我聽到後就叫佢明天唔好返工，佢仲話睇下點先。我都通知定屋企人明天大多數都唔可以湊阿B，咁早通知佢地實諗到應變措施。

下午4點幾肥阿哥回到家，我與肥仔就帶埋阿B過去，阿B成日都未訓過覺，終於係我大脾上訓著左。

老公6點幾又再來電通知我走了，佢而家去以前屋企附近睇醫生，因為佢係先好D，其他醫生都唔得，咁我叫佢睇完就打比我，然後我就回去煲粥佢食。

我收到老公電話後就立即回家收拾和拎傘，然後買埋排包比老公送藥。頭先太趕發覺冇雞蛋，趕得切叫老公買，再執執下野發覺連西柚都冇，但老公已返到，咁我就自己落去買，而老公就訓一陣先，落去前我將條凍濕毛巾放係佢額頭，回來後老公話好凍手腳都起晒雞皮，我摸佢個身係熱，所以我就用濕毛巾幫佢抺左身。

頭先老公同我講係診所探103度發燒，醫生話腸胃炎、感冒、少少喉嚨發炎，我見到老公病得好嚴重下，好耐都未試過咁樣喇！每次佢病我都好擔心，因為佢身體比較差，同埋佢喉嚨比一般人窄，所以吞唔到藥，要逐粒咬碎嚟食，見到佢咁就痛苦。我9點幾同佢探102.2度仍有燒，直到11點幾就退左，再到1點幾double confirm真係完全退晒燒就安心D。