生疏@游水

原本尋日大家講好與阿B去肥阿哥會所游水，但〝天公不做美〞，唯有取消。肥仔都講過星期日天氣好就去游，但我諗都係唔得既多，所以乜都冇準備。

今日約12點半肥仔來電話與阿B去游水，吓~我就〝拿拿淋〞煮早餐食，跟住叫老公起身，又執下行裝~真係好忙。我一陣仲要蒙查查咁去游，因為冇帶隠形眼鏡。

游池水既高度係統一到我胸口，旁邊有個圓形既BB池。我地6個大人陪阿B去游水，有4個陪佢落水，但得我、肥阿哥、肥仔識游水。今次阿嫂冇落水，而老公就唔識游水，佢地2個就負責影相，娣婦玩玩下都上水。

本身我係唔識游水，但以前為左減肥，所以風雨不改每晚放工後與朋友仔一齊去游，咁就識左。當時我係游室內游池，可以不停游十幾個直池。

我與游水好奇怪，因為一唔游隔一排我會忘記，再用時間重拾返，再隔一排唔游又唔記得，每次都要用好耐時間去Pick up返。

厠所入去再推門就係更衣室，直望就會見到左邊有個按犘池，我去咁多次都未試過，娣婦就剛試過~唔錯，將個頭仰後成個人就會浮起架喇！而右邊有桑拿室，我就玩過幾次，都OK架！

我地係肥阿哥家玩到食飯時間就一齊回家吃飯。