既醒目又大頭蝦@老婆

晏晝有事要搵老公，所以未等佢食完lunch回到公司打比我，我就係1點幾打比佢。老公與同事而家身在〝吉之島〞，因為佢地想搵D工具可以幫工人做野快D。工人要將D野入落Zipper膠袋內，佢地想工人拉實個袋口時方便D，老公記得係有既咪一齊搵下囉！

我地講講下我記起之前搬屋時，係〝吉之島~十蚊店〞買過D用吸塵機抽真空既密封袋，係有一個輔助工具來拉實個袋口。掛線後我就實驗過幾次係成功，而且袋口仲拉得好實，所以就向老公回報。我又問佢今晚去唔去肥阿哥家睇波？老公話十點幾先去。

晏晝肥阿哥來電問我去唔去佢家，佢尋晚睇波今日請左假，我唔去喇！但夜晚十點幾會去你家。

我落街買炒飯材料，因為我炒飯比老公吃，去完〝惠康〞買野先記得忘記買吞拿魚做沙律，其實，屋企有架！尋日忘記左拎，頭先買左12罐汽水又唔想走返入〝惠康〞，好在〝佳寶〞有得買啫！沿途行回家才記起仲有〝糖霜〞忘記買，又唔整得想整既野添！

冇買〝糖霜〞，但又手癢想整野，咁整咩好呢？嗯~就再戰〝墨西哥〞喇！上次因為自己既大頭蝦，所以整左〝失望~墨西哥〞，今次一D都冇失望喇！

雖然，整既時候一切都好順利，不過，由係自己大頭蝦係最尾發酵既步驟先記得未整〝墨西哥油〞，好在都趕得切係發酵完成前攪掂。

頭先煲返滾D消脂湯，然後去寫Blog，過左一陣聞到好香，但心諗我都冇煲緊野就冇理會，但仍聞到香味覺得唔得妥，就行去廚房睇下！哎呀~真係我煲緊野丫！傻下傻下自己都唔記得，當我打開個蓋先記得自己煲緊咩，由大半碗湯滾到得返1/3碗咋！

晚餐我用左隔夜飯炒左個〝叉燒豆角炒飯〞，老公話與街既差不多~好味，衰在太多肉，太耐冇炒生疏左，下次冇問題架喇！