嘟嘟嘟~‧嗚嗚嗚~@港鐵

今日帶阿B去坐港鐵，企係月台等車，車到既聲嚇到佢喊左幾句，連車都唔望，
我入左車廂一陣佢又喊，我抱住佢坐底都係喊，所以我全程都係企，
不過，佢間中都有喊幾句咁囉！緊係有人望住喇！
但我又唔覺得~醜怪，好在都係幾個站啫！

室外遊樂場精彩相~

開心到伸晒脷仔~但係唔知睇得清唔清楚呢？因為太動感喇！

跑~跑~跑~我要參加奧運！

今日我帶左阿B去與熊貓姐姐吃lunch，阿B十點幾已經想訓，
但係到我出門口都未訓過。

今次我地係巴士，阿B起初係企係到我怕佢攰，因為都有好長車程，
所以問佢〝坐坐好唔好丫？〞，出乎意料佢居然肯坐喎！
平時叫極都唔全架嘛！可能眼訓，睇下佢打呵欠~

我地到左目的地等熊貓姐姐，我已預備左架車比佢玩，阿B真係唔可以坐定架！
玩左一陣就要扭出去，我又比下餅、糖佢食，又比MP4佢睇先捱到咋！

食完飯我D事做又未夠鍾就帶左阿B去公園玩，我一個人又拎住重重地既野，
所以影左好少相咋！

坐車回家落車時，抱左一陣就訓左，幫佢除背囊和外套都冇反應就証明佢好攰喇！
我都抱到好攰。