開心@稱讚、欣賞

今日我帶左〝合桃酥~迷你版〞回去，食過既人都話好味，仲話好食過街買果D添丫！又香又脆，今次連阿公都讚我，佢就算好食都話唔好食，要整蠱我，佢好少讚我架！

〝藍莓馬芬蛋糕〞阿婆話個個話D藍莓好酸唔食，今日阿婆食埋最後3個，幾乎全部都係阿婆食晒！阿婆話好味，佢真係我〝超級粉絲〞。

今朝去〝惠康〞買餸，冰鮮豬肉減價，撞〝arm〞職員mark價，我簡緊豬肉時個職員同我傾左幾句，我就簡左pack〝瘦林豬肉〞走人，我邊行邊諗仲煮咩餸呢？

之後再拆返凍肉部，睇下再買D咩好？想煮牛肉老公放夜又唔係咁好喎！點好呢？

職員：你想要咩計平D比你，慳少少買件衫比自己著下都好丫！
我：嗯~好，煮豬腩肉喇！咁有冇減價架！
職員：你想要邊pack？
我：是但喇！

佢就簡左pack，然後減左少少咁喇！我見豬腩肉好似係冇減價架！

之後經過蔬菜部見有白菜仔，今次再試下得唔得先。阿婆洗既時候聞到好大陣農藥味，食既時候阿媽都話覺，我就問娣婦點樣？佢話唔覺，但有D苦味，所以今晚老公放太夜我要拎飯回去比佢食，我都冇帶咁多白菜比佢。

〝糖醋五花腩

〞阿媽唔敢食，因為佢怕唔熟，我都唔知點解佢成日都怕我煮得唔熟既！娣婦都話有D〝鞋〞架喇！我都佢點諗既！

〝甜豆欖菜炒豬菇粒〞~今日D料比上次多，雖然，今次獻汁少，但味道比上次好，可能味冇咁濃，娣婦仲話今次食到D豆既甜味。

呢個髮夾我有2個，另一個係啡色，因為有2頭家，所以咪有2個囉！晏晝被我整爛左個髮夾，又要去買過勒！都唔知幾時會出去果頭添！

日落時又手癢影左幾幅相。