食手‧吹口哨

近排阿B食手多左，可能出牙。
佢晏晝開飯時又不停食手，食到手、口都係口水，叫又唔聽，
於是我就用手指彈佢隻手，所以佢隻手就一點點紅，
但係都未肯吧休，仍然繼續食，到我打佢手板先停。

睇落好似好殘忍，但係飯都未食完D紅都散晒。

夜晚食完飯娣婦話阿B識吹口哨，吓~咁勁？娣婦立即叫阿B示範，
雖然，佢好專心睇電視，但都有做，我見佢嘟起個豬嘴吹，
但我聽唔到有聲，不過，個樣就好似。

話說~尋晚娣婦係房同阿B玩，娣婦吹左幾下口哨，阿B立即照抄，
佢將個嘴嘟起，然後，將空氣吸入，而發出聲音，娣婦話錄左，
但係電視機太大聲聽唔到。