尋晚臨訓前幫老公按摩雙腳，我大力少少佢都話唔得會抽筋。
今日老公一定好忙，因為只得lunch後一個電話就冇，我等到十點幾未有電話，唔通今晚好夜，再等望一望個鐘成11點鬆D，尋晚呢個鐘數已經返左。
突然，有人敲門，我個心諗唔通老公返，但個心有D驚，心驚驚從防盜眼望出去，哦~係老公嚟既！嚇得我丫！
我：點解你唔打比我話我知放工既？
老公：你都冇轉番條電話線出嚟！條線仲係屋企。
我：咁你又‧‧‧
老公：換左新電話又唔知呢到電話，你幫我set番喇！
頭先新聞報導，聽到話〝黑雨〞。
我：咁咪好囉！明天可以唔駛返。
老公：明天有貨出丫！黑雨都要返，上星期六〝黑雨〞有貨出，落左後有個同事都返左工。
老公話星期日唔駛返，不過，下星期就要返足7日，我就安慰佢~之前又話冇OT，咁咪可以搵多D錢囉！我都知佢辛苦，最多我激少D佢喇！
今晚煮鳳爪時先發現冇沙茶醬，我就用沙嗲醬代替，佢地話好食，但老公就話味淡，無上次用〝沙茶醬+海鮮醬~豉椒鳳爪〞咁好食。
〝日式雞上脾〞係之前買左一直都冇整，呢4件都只不過係十蚊，肥仔都話抵，佢本身係熟，我只不過將佢炸番熱，摸下個皮真係好脆，肥仔叫我試下，No La~，佢地話味道都OK，但我唔見再有得買喇！下次有買定冇餸就可以做餸勒！
你做咩咁驚呀~如果唔係大番薯個老公仔
回覆刪除你咪唔開門囉~都無咩好驚ge
唔好咁擔心~唔好自己嚇自己呀
[版主回覆06/14/2008 22:39:00]我好細膽架咋！唔襟嚇！所以唔好嚇我丫！
我都係細膽鬼泥架~哈哈
回覆刪除不過成日扮唔驚呀
哈哈
[版主回覆06/15/2008 10:46:00]我成日都叫D人唔好嚇我，我唔襟嚇架！
我地呢排煮餸有時都會加 D 沙茶醬, 真係好味好多. 不過你依家減緊肥, 真係好多好O野都無得食, 好辛苦呀........
回覆刪除[版主回覆06/17/2008 12:48:00]有時都心思思想食，不過，都係得個想字，有成績既話辛苦D都唔緊要。