肥嘟嘟壽包@太子好彩酒樓

今朝被阿B咬到個嘴唇，而家嘴唇有撻仔損左，不過，唔掂都痛，老公仲話有少少腫添！唔知幾時會好呢？

今日與一班朋友食晚飯，因為慶祝其中一個朋友生日，約左八點係〝太子~好彩酒樓〞，不過，老公臨時要開會，而我與肥仔就要係屋企睇住阿B，因為其他人去左醫院睇阿公，所以我與老公都遲左半個鐘先到，我地已經分別坐的士去。

全部朋友都到晒，去之前唔知有邊D朋友去，上到去見有好多朋友有D又好耐冇見，數數手指有16個人，坐都唔係好夠位，我這班朋友一向有活動都係好多人參與。

這班朋友唔止人多，仲幾大食架！我地食晒飯之後，再加多左5、6個餸，後加既餸就唔係好大碟既！除之外，每次聚會都好開心，因為實有好多笑料，一定會笑不停。

我與其中一個朋友傾計，佢一開口就話我肥左喇！不過，唔緊要事關明天開始我就會食一個減肥餐，今日我已差不多買晒所須材料，希望成功喇！

頭先傾計時同朋友們講，我發現水吧個仕應好似我地其中一個朋友，有個阿姐上菜佢真係去問人〝覺唔覺水吧個人好似我地呢檯其中一個人？〞，真係比佢笑死，佢成日都好攪笑架！

我只係影左〝肥嘟嘟~壽包〞，因為我已經遲到，加上個個放工都應該肚餓，所以冇影相。

起初睇個壽包都唔覺咁大個，呢個比平時的脹大~味道唔錯。

食晒野又有個焗盅比你焗茶飲，仲有生果盤送。