甜豆欖菜炒豬菇粒 (內附食譜)

這個餸係上次係〝回家〞時食過就諗住遲D整，今日我終於煮左喇！其實，我都係懷著戰戰棘棘既心情去煮，出來效果相當唔錯喎！

老公放夜我等埋佢先吃飯，我地唔吃豆，所以我與老公果碟都係冇豆既。我自己都好滿意，大家都有添飯添，煮既人最開心不過就係睇到咁喇！

甜豆欖菜炒豬菇粒

材料：

豬肉 (切粒)             約1湯碗

冬菇 (切粒)             約1湯碗

橄欖菜                     3湯匙

甜豆                         200克

蒜頭                         2-3粒

調味料：

蠔油                         2湯匙

糖                             2湯匙

水                             3湯匙

做法：

1.          豬肉、冬菇洗淨切粒；甜豆去絲洗淨。

2.          爆香冬菇盛起備用。

3.          爆香蒜頭加入豬肉少至8成熟。

4.          將冬菇回鑊炒勻，再加入甜豆兜炒。

5.          加入調味料少勻蓋上蓋，中間開蓋兜炒一下以免燶。

6.          待甜豆熟上碟。

*炒前可以將甜豆出水就可以不用炒咁耐。