豬肉何價？

阿媽一早申請左尋日放假做節，但係肥阿哥有事改為明天，但明天阿媽要返工，我聽到佢同阿婆講食燒肉和雞，肥阿哥回來吃飯或平時屋企冇餸阿媽有時又係買呢D野，肥阿哥講過唔想食飯盒餸，所以我自動請纓做大廚。

今早回家前買左整春卷既材料，預備一陣炒定D料，明天包就可以省時，我記得前幾日阿婆早上八、九點去豬肉檔已經執緊野收檔，加上天氣凍唔想阿婆又走落街，所以我買多D夠今日屋企用的。嘩！肉檔有好多人丫！豬肉都得返好少，果時係八點二十分到。

明日晏晝我就要回家預備，我已諗好煮咩餸，但炸蝦餅要取消，佢地叫我唔好整，因為我整到腳暫時唔食得，阿媽就改為炸魚柳。我已叫左老豆幫我買D材料，而我自己又買D，一個人拎唔晒，所以要分工，等我回去就可以立即動工。

今日隻腳好過尋日，可能煮料企得多，所以膝頭痛，跟住去師傅到覆診前，係屋企唔覺意大力踩落地整到腳跟痛，下星期還要覆診。

尋日帶阿B搭車睇醫生途中熊貓姐姐來電佢未來奶奶改了這日做節，所以她出席到晚上8點就要走，其他人有事都不能前來，我地都有諗過改今日或明天食，但明天到我要做節，熊貓姐姐問過同屋住如常行進不過當普通聚會，另覓一日為他慶祝生日。

今晚坐車回家途中老公叫我提佢打比同屋住問〝星期日晚上打邊爐唔好？〞，因為近做節出街定會多人食飯，而且天寒地凍，加上不是預期的那麼多人，留在家中打邊爐就最好，當日出席明單：我、老公、高達叔叔、熊貓姐姐(晚上8點走)。