癲喪~

晏晝我與肥仔帶阿B行左去隔離村〝麥麥〞食晏，阿B坐車過去的路程都唔多開心咁，到左扶手電梯時，我企佢前面見到佢望住我笑得好開心。

我地係〝麥麥〞買左3個餐，這次是阿B第二次食〝開心樂園餐〞，每次阿B都可以吃1/3個包，再食少少其他配菜架。

肥仔食完野話要去〝U-Right〞睇下D外套，這間每達肥仔放假我地就會入去逛逛，所以都幾熟架喇！但有一個熟既轉左去另一間舖，來左2個唔熟既。一入去女售貨員已走過來，開聲第一句就問。

女售貨員：你訓醒未？

我：佢今日都冇乜點訓。

女售貨員：你落唔落地地丫？

阿B即刻點頭，我就放佢落地，嘩！阿B好似〝喪屍出籠〞，一邊笑一邊與女售貨員追逐，當然女售貨員玩下停下要做野架嘛！阿B個頭撞到更衣室門個額頭紅左少少，佢都冇喊繼續再喪玩。點解女售貨員會問訓醒未？原因係阿B差不多每次入去都係眼訓，個樣好呆，有時同佢玩都冇反應。

衰豬玩玩下又走左去對面書報攤，我就同佢去坐左2次車，我見佢好眼訓怕佢會撞到，跟住我與阿B一齊去彈波波，一次就有獎~小型碎子包一個，本先比左個綠色，又問我要咩色，我問過冇橙色，咁我就要左個紅色，攤主話阿B真係鍾意紅色喎！係丫，夠鮮色丫嘛！

阿B拎住個獎品衝入去〝U-Right〞，女售貨員抱起佢玩，衰仔開心到大叫大嗌，尤如癲喪一樣。

女售貨員：阿B好輕。

我：係丫~佢二十零磅，佢剛剛病。

女售貨員：又病，次次嚟唔係病、打針、發燒。

阿B上返車唔可以停係一個地方，我就推左佢出去行，行行下記起要去〝日本城〞買張枱墊比阿B，唔駛成日用紙巾咁浪費。見阿B唔多開心，我入去睇揮春可能佢會有興趣，見到有〝Elmo〞揮春，我就拎比阿B睇，初時冇反應，一話係〝Elmo〞即刻坐起身拎，我怕佢整皺就望下仲有冇，發現到有〝Elmo〞立體揮春，我就同佢交換，睇左一陣就去睇墊。我拎左〝史迪仔〞圍裙和手袖比佢睇一D都唔開心，仲扭計，墊都未買就走人。

我返回去睇下得未喇！係廚窗睇到肥仔仲未得，我又再係商場內不停兜圈，間中又望下得未，實在太耐喇！終於我推左阿B入去想交比肥仔，然後自己去〝日本城〞快手買張墊，點知肥仔又差不多得唯有等埋先，肥仔買左2條褲和一件外套，送左張羽絨纖維被。張枱墊有大小2款？肥仔話細張得喇！我又想買張〝Elmo〞揮春，肥仔唔比買，然後踏上歸家路。