寒冷~年三十 (下篇)

慾知前事如何請到：寒冷~年三十 (上篇)

我返到屋企娣婦話阿B剛痾左臭臭，見到阿B個樣好眼訓。肥仔來電問我係邊？佢想我買D野食比佢，返到屋企買唔到喇！隔左一陣肥仔又再來電話佢地而家去家樓下的7-11買野食叫我地係7-11等，我執完阿B既玩具出門口，這時才記起要拎暖手包，唯有拆返，我從未用過暖手包架，這個係之前做Temp.時識既同事送比我架，佢知我鍾意〝米奇〞就買了這款比我。我一直都唔捨得用架！但係而家天氣咁凍，唔捨得都要。

我擾攘左咁耐去到唔見人既，唉！惠康未關門喎！我邊行邊聯絡肥仔，剛通老公已話見到肥仔，但唔見阿嫂既？係屋企洗白白中。我想買薯片，望住又好似冇乜好食，近排對薯片冇乜興趣，但為滿足我既購買慾點都要買D架喇！就求其買左一筒，有時都覺得自既有D〝購物狂〞既因子，我地買左點心和零食。

上到去一陣肥阿哥就派利是比我地，我地話唔要，但佢話第一年，咁我地就收左喇！肥話哥話利是冇阿B份架！頭先係屋企老公都話要用得意既利是封封比阿B，我地邊有得意行是封，咁買喎！老公又冇回答我，我都冇再講。

肥阿哥問我地想睇戲定打機？大家都冇所謂，肥阿哥拎左隻PS3戰機game比老公睇下玩唔玩，老公睇完隻碟的圖晝就話唔玩玩左會好暈，跟住肥阿哥就話睇戲，問我地睇咩？我地又係冇意見，於是肥阿哥就幫我地簡左〝變形金剛〞。

開場冇幾耐肥仔就話去整野食，因為佢肚餓和開頭果D佢睇左，佢就問叮定蒸好？我話蒸。一睇就知肥仔平時唔駛做呢D野，佢問我要加幾多水蒸？可能佢覺得麻煩又問我點解唔〝叮〞？〝叮〞咪會好乾囉！我話如果想一次過蒸就用隻碟盛起蒸，同埋話佢知個包裝袋有寫蒸幾耐。肥阿哥見到肥仔蒸野食都笑佢〝唉！你蒸野食丫！〞，我只是影左頭一碟點心，因為我掛住食和套戲好緊張，而見老公難得睇得咁緊張和咁有興趣睇，我服侍埋佢又點話丫！食完我就去洗碗。

肥仔睇睇下問我〝以前做卡通片時，你有冇追架！〞，吓！梗係有喇！我集集都有睇，這套野係我年代架！其實，點會冇睇啫，我有睇咪即係佢有睇，佢有睇咪即係我有睇，電視一齊睇架嘛！肥阿哥眼訓戲未做完已經訓左，不過佢已睇過架喇！

我地睇到2點幾完場，走時落雨，阿嫂借左把傘比我，咁夜唯有搭〝的士〞，行去截〝的士〞時遠處見到有小巴，嗯！真係好喇！唔駛搭〝的士〞。臨走阿嫂問〝我明天幾點回家？〞，我應該11、12點到回到去，因為阿媽返2點。返到屋企老公話〝你唔駛教鬧鐘丫？你又話明天早上去。〞，駛乜丫~你估我訓得好晏咩！

嘩！這套〝變形金剛〞真係直得推介一下，本人覺得相當不錯，老公都睇到好緊張，除戰爭片外，我見老公最有興趣就係呢套，我有時間再會睇多次。