天寒地凍~打邊爐

今日細舅母陪阿公、阿婆回鄉，又係開心果姐姐上機去〝四川〞，祝佢地旅途愉快。

嘩！真係好凍，天寒地凍最好就係打邊爐。原本係為同屋住慶祝明天的生日，但係由於大家都唔得閒就改為普通聚會，可能會改期係新年〝人日〞慶祝，大家仲講笑話〝人人生日〞個個食完借故閃人唔埋單〝閃得麼、冇鼻哥〞。

熊貓姐姐頭先過嚟係生果檔買左〝天桃〞，我唔吃的，其他人唔知，但全日都係得熊貓姐姐一個人食左。

到達茶餐廳後，熊貓姐姐比左佢同事去日本幫我買既〝撒隆巴斯〞我，之前佢叫我讓左一包比佢，今日佢要多2包，因為佢而家都要貼，佢其他同事都係咁，總之對得電腦多都不是太好。盒內白色的袋係用嚟裝用左又未用的膏布，低比錢日本人賺~咁週到。

我地食完早餐就去街市買餸，都唔敢買咁多怕食唔晒，同屋住諗住去買隻雞整〝醉雞鍋〞，但係我唔吃的，改為〝藥材湯鍋〞，以前一齊住既時候我都會煲這個湯，因為我好鍾意飲和吃龍眼乾~yummy。我地離開街市後，又去買左支紅酒，但不是太好喝。

跟住就去同屋住家耍樂一番。老公話我~你唔去幫手洗野丫？哎呀！我掛住與同屋住大女玩忘了去洗打邊爐食物，入到廚房得返金菇、切魷魚、切牛柏葉、斬雞，幾樣野中只識得洗金菇，當我切金菇時同屋住大女又叫我玩，所以攪掂左金菇就出返去玩。全屋得同屋住識斬雞，咁要等耍樂完畢先斬得。

我地8點就耍樂完畢，因為熊貓姐姐要回去未來奶奶家中做節。打邊爐緊係要〝混醬〞喇！今次與上次的不同，我又剁左生蒜又加左辛辣麵的辣粉~正丫！終於可以食到上次係稻香打邊爐時食過的〝芝士包心丸〞，之前係凍肉舖買過都唔係果隻味~冒牌貨，我與同屋住老婆都好鍾意食，睇下D芝士流出嚟喇！咬多啖先~

由於同屋住細女去左嫲嫲家，所以我都忘放低對手套，下次一定要記得。我隻手靚唔靚呢？D貼紙係熊貓姐姐送的，同屋住大女起初都係貼左一張係我手背，跟住越貼越多，走既時候有5張之多，有D撕唔甩要用水卒先得。