我揸〝法拉利〞

我開門見到娣婦拎支奶去座暖，咁應該係阿B中場休息，我未入屋阿B就痾左臭臭。唉！阿B個樣好似好眼訓喎！唔通好早起身？
佢7點十已起身，不過娣婦等佢〝典〞到8點先抱佢起身。

我見到阿B玩緊架〝法拉利〞模型車就話緊係伯伯買架喇！
原來唔係，係肥仔公司有幾架擺左好耐都冇人拎走，所以佢拎左架回來比阿B玩。
阿B有左架〝法拉利〞就唔玩小巴喇！

我等到佢食完奶先至食〝麥麥〞早餐，阿B一見到就要食。

食完一啖又走嚟搵我攞食，今次我只是比左約半份餡佢食，
我怕佢等我的早餐就唔食晒D奶，因為佢唔知幾時開始又食剩奶。

阿B見到阿媽拎住碗粥就猛講〝mum mum〞，然後自己行去個私家位到要坐。

跟住見到阿公食橙佢又要食，食都要著口水肩先喇！
邊著邊睇住阿公食，而自己冇得食邊鬧人。
其實，阿B咁食法唔知會唔會成為另一個〝大食仔〞呢？

之後我地各人都有事做，由阿公睇住阿B，但我見到阿公點解企係房門口既？
再望下房門開左，咁阿B緊係入左去喇！
我明明閂左門架，原來阿媽頭先拎衫比阿B冇閂門。

阿媽過去叫阿B出嚟，而我隨後，我地見到佢由房行出來時將個背囊穿落隻手到，
然後行去門口，跟住再行返入廳自己係到玩。
當時個情況真係好攪笑，然後阿B十點到就訓左，因為尋晚夜訓又早起。