7 February 2008 (大年初一)
我、老公、肥仔、娣婦帶阿B去隔離村食早餐+午餐，阿B係商場週圍走又大叫好開心。肥仔、娣婦係日本城睇緊野，我與老公就帶阿B週圍行下，經過〝U-Right〞門口見到相熟既女售貨員諗住打個招呼，點知就比人〝虜走〞左。
返到屋企3點幾就開奶比阿B等佢吃完訓，明明差唔多訓著架喇！阿B無端端彈起身玩，跟住肥仔都有同佢訓都係唔得，再玩多一陣我就試下陪佢再訓，又到差不多訓著，肥阿哥和阿嫂就返來喇！衰仔一聽到開門就立即起身走去睇~醒晒！佢間中都有〝囡下~囡下~〞想訓，跟住又走去玩。終於，攪到差唔多6點才訓著。
我地夜晚開飯阿B都未醒，一到盛飯阿B就彈起身醒左。肥阿哥用佢部專業相機捕捉左好多阿B得意既相添丫！我地見到佢睇到肥阿哥影佢時，佢好似識擺pose咁，平時見到普通相機就走左去架喇！
沒有留言:
發佈留言