今日晏晝阿B對我做左件令我好冧既事，我坐係地下睇電視阿B就爬上我到，我見佢個口張開成〝O〞形不繼向我移近，而我就微微向後移，因為我好驚呀！佢頭先咬完我膊頭和大脾，終於到喇！原來佢係〝錫〞我丫！
嘩！真係開心到震
老公食完飯來電，我就同佢講想買本書星期六唔記得買，但書局關9點，唔知老公放工再嚟吃飯，然後去書局趕唔趕得切呢？
我換好衫又梳好頭等老公，老公嚟到都未有人煮餸，我就立即入去煮再〝拿拿淋〞食飯，去到書局仲有10分鐘就關門喇！
我搵左一陣都搵唔到就叫店員幫手，我叫老公去比錢，而我繼續睇下烹飪書，因為春季85折減價好難至有。依~比我睇到有本書係關於醬汁，所以又買多本喇！哈~哈~
之前有個Blog友睇過〝做自己 是幸福的〞覺得不錯，所以我都好希望自己睇完後都有些得着。但老公話我有好多書未睇喎！係丫~我會努力架喇！
我係一個不喜歡睇字的人，但突然間有好多字湧過嚟！不過，我都好期待去睇每一本書。
奸巴爹~~~~等你既大作
回覆刪除[版主回覆02/26/2008 07:33:00]係，我會加油！
阿B 真係鬼馬, 哈...
回覆刪除以前我都好鍾意睇書, 不過依家眼唔係太好, 所以太多字O既話都會覺得好攰, 而且睇得好慢, 睇一本小書可能要睇幾個月, 哈...真係好誇, 不過無法啦, 今時唔同往日. 所以依家都小O左睇小說, 不過整包包O既書都會繼續睇, 反正唔係太多字.
[版主回覆02/27/2008 07:47:00]我睇書都要幾個月，有時什至乎幾年，係咪好誇呢？但係是真的，因為我真的不喜歡睇太多字，所以我連娛樂新聞我都不看，除非係好吸引喇！
努力呀!呢本書真係唔錯,每一篇都係兩頁咋
回覆刪除[版主回覆02/27/2008 07:49:00]我應該今個星期可以開始睇！睇完後希望我都能做得到。