鮑魚~

尋日約左娣婦今日食lunch，時間就今日先約，跟住就回家整回星期日未整既春卷，但估唔到係肥仔打嚟！原來佢訓晏左，所以請左大假。

茶餐廳、公園情況請到：我家有隻小蜜蜂~

我返到屋企第一次間就炒料，炒既時候發覺銀芽有多，所以留返D今晚炒瘦肉，可以諗少樣餸，今次用左上次用剩的春卷皮包左14條。原本留左4條一陣過去肥阿哥到拎回電腦時比佢地食，不過阿媽食左一條，所以得返3條，雖然少都有拎過去。

頭先離開公園我去左買玉子豆腐比阿B做餸，去到冇得買，不過諗起一陣包春卷用唔晒一隻蛋黏口，留起D炒左比阿B做餸，阿B食晒全部蛋又食左好多飯真係乖。

星期日，大伯一家嚟食飯，阿媽煲左〝花膠海參鮑魚湯〞，最後都係出街食，不過有飲湯，但飲唔晒。今日飲埋佢，肥仔飲湯時成日問阿媽切左鮑魚未，平時鮑魚、螺湯我會飲，但唔會吃渣，我見肥仔成日問我飲湯時盛起左一舊自食，肥仔又好似我咁成舊吃，肥仔一見到就話似假牙、下顎，而我就覺得似豬脷、牛脷。

我有個疑問就係同〝唐心風暴〞果D都唔同既？佢地話果D係乾鮑，而呢D係〝急凍〞，阿媽仲話因為要切左D腸出嚟！所以有個叉位係到。