呷醋阿B~

11 February 2008 (大年初五)

欲知前事如何請看：講野一歲多D~

〝元氣〞的〝他他牛〞、〝赤海蝦〞好味。

今日我和娣婦與阿B入去見醫生，老公和高達叔叔在外等，佢地等到〝牛〞左，繼而訓左。頭先見完醫生唔見左佢地，打比老公睇下係邊，老公就同我失蹤既原因。

頭先有個〝超級百厭星〞到，佢一到老公就醒，但高達叔叔仍然訓緊。老公見到個〝百厭星〞推住好大架既車，有埋車頂、門果隻膠車，推推下停低左幾秒後突然加油撞向睡夢中既高達叔叔到~成個醒晒，跟住佢地就落左去食煙喇！

原本諗住叫肥仔請佢食飯，因為要等咁耐唔好意思，點知佢唔出嚟！咁冇法喇！之後約左同屋住老婆和佢2個女行〝沙田~新城市〞，落車後放阿B回車就醒左，都訓左差不多一小時。行緊去既時候娣婦話阿B未食奶，大家都忘記左添！我地集合後就要搵地方開奶比阿B，我地簡去左〝大快活〞，老公諗住食茶餐。

沿途我拖細妹(同屋住細女)，我見佢有D眼訓問佢係咪？係，咁我抱佢訓。到〝大快活〞門口見阿B扭計，老公話佢見你抱住細妹即刻手指指又扭計添丫！我地坐左8個位，點知太晏過左鐘冇茶餐，我留下陪娣婦，佢地出去搵有冇唔係晚餐既野食。阿B中場休息時就離開，唔見晒人原來去左隔離商場〝麥麥〞，但阿B件外套係佢地到出去會凍死，所以老公拎回外套，但不用打比我就知我身在何方，因為阿B落地行又大叫。

我地入到〝麥麥〞阿B猛望住人D野食，我比佢食埋剩下的奶，不過都食剩2安，跟住見到高達叔叔D野食就伸手去拎喇！阿B都食左D包和薯條。跟住就去〝樂園〞，頭先阿B都係身自己行過嚟架，而家唔肯行係都要抱，我抱下又放佢落地試左好多次都唔成功。

我地由〝麥麥〞行去〝樂園〞，後來我〝夾硬〞放佢企係到，佢喊到拆天，老公仲話阿B好似〝驅魔人〞咁，個衰豬跌倒趴係地又唔起身直至有人扶佢先起，唯有再抱過。經過條走廊有好多扭蛋機，初初唔肯落地，後來見到就肯，行左2步到又喊要抱，咁再行遠少少再放佢落地，嘩！落地後簡直好似癲左一樣。

我地由〝樂園〞行去〝玩具反斗城〞，阿B玩到唔捨得走，之後老公提意去〝西田〞買壽司去同屋住家吃，但幾乎比人搶購一空，我地轉移買〝元氣〞外賣回去。當時我抱住阿B，而細妹要我拖住佢，所以娣婦話抱阿B，阿B唔肯寧轉面。

阿B經過〝Body Shop〞櫃台見到女售貨員立即〝含羞搭搭〞望住人，等外賣時見到〝至Fit姐姐〞和佢老公，佢地仲比左封利是阿B添！阿B好叻仔自己食左一客蛋壽司，記起阿B今日未痾臭臭，我就話〝阿B你今日好似未痾臭臭喎！〞，話口未完它公就聞到佢痾左，阿B好鍾意與同屋住隻狗玩。

我地預備走時同屋住就回來，阿B見到好開心，因為阿B好鍾意同佢玩，玩到〝卡~卡~〞笑唔停，走時已11點幾。