尋日已諗定今日早餐食〝自家製~腿蛋冶〞，
平時唔係食〝麥麥〞、〝炒麵〞、〝麵包〞食到有D厭，同埋自家製又可以慳錢，
而家得老公一個搵錢。雖然，我都係一個〝大花筒〞，
但都盡量係可以慳既地方慳D。
回家前係〝惠康〞買火腿，但等比錢等左好耐，之後去買方包，但未買麵包比阿B，因為尋日見阿B拎背囊想出街，所以我等佢食完早餐奶先帶阿B一齊去買。
今晚整左春卷和玉子豆腐，原本尋晚整，但阿媽話娣婦唔係到食明天先喇！
春卷皮新年時阿媽買左2包，但係D皮係爛要做D手腳先可以包，
所以比平時花多左一D時間。雖然，炸春卷時油不能蓋過春卷，但冇加油，
因為炸油好黑諗住用多幾次就換過D新油，咁就出事喇！
攪到D春卷炸得好〝核突〞~顏色唔好睇，好燶咁，下次都係唔好慳喇！
再炒埋臘肉炒西芹，但D臘肉肥到丫~，我落左少少油炒臘肉，
之後賺到幾陪油返嚟丫！
呢碟涼瓜排骨唔係我炒，係阿媽晏晝食飯又係食苦瓜，所以炒多D留返夜晚食。
我一向牙〝交〞間中都會鬆鬆地，今日晏晝阿B眼訓咪陪佢訓，但佢又唔訓要玩。
當時我訓緊係到講野，衰豬用力將個頭壓落我塊面到，令到我個牙〝交〞不對稱，
我就夾硬整返好，而家好似有D怪怪地，不過，明天就會冇事架喇！
炸野真係要用好多油, 剩返o既油已經仲可以用o既話, 我地屋企人都會繼續用, 不過已經變得好肉酸果 d都無法要倒ｏ左佢． 慳係應該ｏ架， 係美得ｏ黎ｏ架．
回覆刪除[版主回覆02/20/2008 13:37:00]我家係有煲油專炸野，不過，而家有時我負責煮餸記得就會拎D去炒餸，因為換下油唔駛咁〝肉酸〞丫嘛！炸野都靚D喇！但我家人係唔會拎去炒餸的。
哇.....你一出出咁多blog.....真係少d恆心都唔掂.....叻叻....
回覆刪除[版主回覆02/21/2008 07:53:00]多謝讚賞，我諗住老左可以睇返自己以前既野，所以我每次都想寫得精簡D，因為我自己都好怕睇到咁多，多字既話見到都唔想睇，我努力改善中。