我家有隻小蜜蜂~

今日我、老公、肥仔和娣婦與阿B一齊去左公園玩，但去之前去左茶餐廳食野。我去到茶餐廳見到阿B今日既造型好得意。這套〝蜜蜂衫〞娣婦係日本訂回來，等左佢著好耐，因為這套衫放左係衣櫃都成年。

阿B係茶餐廳到起初都冇野~好乖，肥仔問佢有冇〝Pingu〞？阿B望完件衫做手勢〝冇〞，因為佢尋日著住〝Pingu〞件衫。

直到野食嚟！佢一見到好似〝陸戰隊〞唔埋〝三七二十一〞就爬上枱攞野食。

我地拉佢回來又唔准佢爬就喊，跟住比隻匙羹佢拎住，佢見到我地盛飯比佢就冇喊。

跟住密密食，但臨走時又喊，因為佢見到肥仔起身走人佢冇份，其實，肥仔出去食煙啫。

天氣乾燥阿B係公園玩滑梯頭髮都豎起晒，又磨擦得多有〝靜電〞肥仔都唔敢掂佢。

阿B係公園到玩玩下自己走左去睇風景，睇睇下又走去沉思，跟住見到老公和肥仔去左馬路旁食煙又同佢地玩〝咕宅〞。