不理什麼也要吃~

阿B訓到8點幾醒左，跟住11、12點幾又再訓，我地食完晏晝飯阿B都未醒。到佢醒左娣婦就餵佢食飯，之後娣婦話一陣食橙橙，阿B聽到即刻走去拎橙，跟住立即要上櫈坐，佢見到娣婦切緊個橙已急不及待就鬧人，仲伸手去拎添！

阿B洗白白後到我喇！我沖完出嚟見到阿B自己一個坐係電腦枱前睇〝Noddy〞，其實今朝已睇左幾次，小朋友鍾意既話同一樣野不斷重覆都唔覺厭。睇睇下阿B又眼訓，所以娣婦陪佢入房訓。

今晚我地一齊慶祝同屋住生日，出門口時阿B都未醒。從阿B睡夢中幫佢著衫，到著褲時就整醒左佢，可能未訓夠，所以出到去都有D呆呆地。阿B見到同屋住和高達叔叔已笑到〝卡~卡~〞聲。

阿B見到枱有咩就要食咩，食糖水食到〝烏咀狗〞咁。

正當同屋住拎粒糖出嚟諗住同個女〝分甘同味〞，剛巧阿B又好〝冧〞咁望住佢，攪到糖水都唔食要食糖。