Pizza Hut~水準下降

阿公和阿婆回鄉，而阿媽今日與公司的同事去團拜唔回來吃，所以尋晚阿媽已來電叫我今晚叫〝Pizza Hut〞。

今晚肥仔公司食開年飯，所以唔返嚟食，咁我等埋娣婦回來先叫，誰不知阿媽仲早過娣婦返，但佢話飽唔駛預佢食野。

我與娣婦上網睇左食咩就諗住順便係網訂，但我地選既餐暫停供應，娣婦就提意散叫。我又打去專線問下~真係暫停，咁順便落order，掛線後阿媽問我有冇用coupon？哎呀！唔記得添~又打多次去。這張coupon係娣婦個同事比佢，係可以用8蚊換購〝秘製雞槌〞一客。

晚餐叫左海鮮闊條麵、意式雞皇飯、肉醬意粉、意式雞肉丸、秘製雞槌、蒜蓉包、意式風情、蘑菇忌廉雞湯，但水準下降連皇版都‧‧‧。

海鮮闊條麵：我唔吃的，娣婦和老公都話OK，但老豆就話好硬又乾，娣婦和老公都話焗過係會咁樣，佢都仍然繼續講。

意式雞皇飯：冇以前咁好食，汁唔夠、飯硬，老豆又唔多喜歡這款話D米收左水，但又好乾喎！

肉醬意粉：這個仍然保持水準。

意式雞肉丸：突然唔想食，冇食。

秘製雞槌：唔多覺有咩特別，唔知點秘製，唔知隻雞係咪係秘魯嚟，所以叫秘製。

蒜蓉包：唔夠蒜蓉和牛油。

意式風情：味道都OK。

蘑菇忌廉雞湯：好味，保持罐頭湯的水準。

回到家老公同我講老豆好似唔多鍾意食〝Pizza Hut〞，因為老豆邊食邊彈，Pizza都未食就話飽，所以我見肉醬意粉冇乜問題就叫老豆食晒餘下的，但阿B就食得好滋味。

其實，Pizza Hut又貴又不是樣樣都好食，而家水準咁樣，再叫都係要〝三思〞。