史上大食仔~

今日要去〝粉嶺〞朋友家拜年兼耍樂，起身感覺真的比平時好好多，可能尋日按摩起作用。

我係屋企已同老公講左一陣佢幫我打住先，因為我還未寫好尋日的網誌。我約3點到達，佢地比我還早11點半已開始耍樂，因為其中一個朋友4點到要去另一個地方，咁我可以開工寫Blog，而老公可以睇報紙。每次老公去到我這班朋友的家指定動作就係睇報紙、訓覺、間中〝攝〞場耍樂下，可能這班朋友耍樂比平時細一半，所以佢放心比我打。

老公一見到大食仔就話佢肥左，但我唔多覺，而其他朋友都覺佢肥左，大食媽就話佢塊面瘦左、身肥左。朋友們都問我係咪好忙？好似有好多野整咁喎！因為我係書房好專心寫Blog埋頭苦幹。

我起身去〝殊殊〞都見到老公係廳睇報紙，之後就係梳化訓左，有時大食仔(朋友個仔)都會入嚟同我講下野和玩，佢仲有拎張〝一億円〞嚟比我食添。這張〝一億円〞係其中一個朋友係日本買回來，平時係切好一條條幼身，而質地〝靭靭地〞，這塊係一片過要用手撕。

約4點其中一個朋友要走，我叫老公幫我打又唔肯要訓覺，咁我就接手打，後來老公落街買野食。我打打下頭暈眼花頭又痛，有糊都唔識食，老公回來我就叫佢比粒長效我吃。

大食仔想食蛋糕，但佢地話佢已經食左好多野唔准佢食，多番嘗試大食仔成功食左。頭先係書房努力緊時聽到大食仔係佢自己個袋逐少逐少拎野出嚟食，我聽到有2款仲要係一粒粒既，叫佢請我食又唔肯喎！後來有個朋友又想食野大食仔就跟個朋友落街買小吃，回來後大食仔又繼續食，他還有吃〝存盒〞內的東西。

我地未落街食飯前，成功氹到大食仔上磅，全屋最瘦係女屋主和老公約100-106磅，大食仔居然仲重過佢地有11X磅，佢只不過係小學生，還有一樣驚人事，我地落街食飯，每人接過碗飯都未入口，大食仔拎住碗飯同大食媽講〝唔夠食〞，吓！唔係掛，未食就唔夠食，咁犀利。

大食仔真係好大食架！佢既食量仲勁過一個大人，食自助餐一定唔會〝洩〞，每次見親佢都係不停咁食野，食完這樣又食那樣，我地個個人都叫佢唔好再食，因為佢須要減肥，我地都覺得佢好似〝鄭則士〞。

我見大食仔咁食得，曾經問過大食媽〝點樣可以令到小朋友食野？〞，答案估都估唔到，大食媽從來只是拎住滕條叫佢唔好食，即係大食仔天生係咁架喇！