11 Feruary 2008 (大年初五)
上年12月阿B去荔景〝分科診所及特殊教育服務中心〞做測試後，約左今日1430見醫生。老公、娣婦、高達叔叔放假可以一齊同阿B去，但肥仔要返工。
今日一見阿B就覺得佢好眼訓，就問娣婦〝佢係咪好早起身？〞，娣婦話佢鼻敏感夜晚鼻塞訓得唔好，都係我十點幾叫佢起身，果時佢都未訓夠。
我地去左〝吉野家〞食野，這裡可以容納到阿B，帶住小朋友比方便。阿B坐到呆左又扭下計，我就拎尋日買既〝Elmo〞比佢，見到不知笑得幾開心，自己拎住玩。阿B不時都含情脈脈望住高達叔叔，表情好似望住D女仔咁，又笑得好含蓄又怕羞~好攪笑。阿B自己食野叻左好多，我諗好快就可以放心比佢自己食。
老公與高達叔叔食完飯出去食煙，我同阿B望出窗外講〝呢架巴士、的士、小巴〞突然喊喎！嚇死我唔知咩事？我再望下~哦！原來佢見到高達叔叔係窗外行過回來，之後見到高達叔叔就收聲喇！阿B咁鬼好眼〝新都會~吉野家〞約半個舖位係低於地面，而個窗頂多只睇到對腳，加上佢只見過高達叔叔2次，咁都認得~犀利。
我地比預約時間早到，阿B去到放佢落地時開心到不得了，週圍走又大叫。醫生觀察阿B、溝通、做測驗後問我地擔心D咩？擔心佢講野方面。醫生都話阿B行得都幾好幾穩陣，上落樓梯都好好，做左評分得出阿B係比較遲，手指有D細微既野做唔到，講野得一歲多D，建意比阿B讀一些特別班，係由政府撥一些款項在幼稚園舉辦一些特別班，我聽到大概係咁，因為阿B扭眼訓我陪佢玩冇留意，見完醫生要再等社工講解特別班的資料，整個過程用左2小時有多。
阿B見完醫生後等社工期間，老公就抱左出電梯口哄佢訓，因為阿B好眼訓又打呵欠又卒眼，我有時又出去睇下又哄下佢訓，都唔得又入回去玩，玩左一陣老公又抱回出去再試，今次我聽到宰豬既哭聲持續左一段時間我才出去看看，我問阿B〝抱〞？佢己撲過來，我都未抱好佢已經個頭僕係我肩上訓左。
跟住我地約左同屋住老婆和佢2個女，要行去搭車再轉車點樣郁都唔醒。之後我地又去左〝樂園〞、〝玩具反斗城〞，夜晚仲買左〝元氣〞回去同屋住家吃，阿B玩得好開心。
〝樂園〞內阿B最鍾意就係個〝波波池〞佢伸手入去想拎D波出嚟！攪到自己個額頭紅晒。
欲知後事如何請到：呷醋阿B~
如果有多 d小朋友一齊玩， 學ｏ野會快好多． 我朋友個女之前都講ｏ野唔叻， 之後俾佢返ｏ左ｂｂ班， 我無見佢一排， 呢幾日見返， 發覺佢講多好多ｏ野． 所以同輩ｏ既影响好大．
回覆刪除[版主回覆02/13/2008 12:33:00]係丫~醫生都話返左學會好好多，到阿B識講就可能會覺得佢煩~每事問。