大力士又起〝樓〞~

阿B乖左2日又開始曳，點解會咁講呢？佢一向都曳架喇！咔~咔~

阿B係星期一、二都好乖早上十、十一點就訓，跟全晏晝或傍晚又再訓多次，
抖足精神你話幾好呢！

這2日都係訓一次，仲要係早上已眼訓攪攪振到晏晝先訓，阿B你快D訓喇！
唔係好易出事架喇！

早上十一點幾都唔訓就餵粥，你睇下佢一見到碗粥而未有得食個樣幾肉緊。

睇下佢眼訓到振，都唔知講咩好喇！
食完粥、食橙再洗白白咁每做一樣野就有比佢抖一抖既，之後再玩一陣就訓左。

由於房處係全屋村做緊維修好嘈，所以阿B訓左2個鐘都唔夠就被嘈醒左，
醒左之後有D黏身和扭計，因為未訓夠。

阿B見到個〝新年煎堆〞玩玩下就一啖咬落去，知道食唔到就拎去比阿婆開比佢食。

阿B~你打電話比邊個丫！你個電話都未駁線。

阿B唔知係咪悶得滯，阿B要變身做〝大力士〞好似D空姐拖喼咁拖我個袋，佢係地下拖嚟拖去。我個袋一向公認係〝重〞，佢咁都拖得郁。

頭先被嘈醒左，到五、六點時我陪佢訓都唔訓，但我好攰訓左，衰豬就起勢咁騷擾我，最後我都係輸左，我望住佢玩我，玩玩下佢自己個頭撞左落餐枱邊，幾秒後就喊，喊喊下又睇電視，睇完又喊，咁即係扮野喇！之後又繼續玩。

之後阿婆話阿B起左個〝樓〞，我望下真係咁勁架！仲以為佢扮野添！你話佢幾奀頑丫！，但個〝樓〞比上次被我唔小心張櫈整到細，今次剪左頭髮就睇得好清楚。

阿媽見佢又唔訓又餵粥喇！又係見到碗粥大得食個樣幾衰，食食下唔知係咪D粥熱吐返出來，之後又用手蓋住個嘴，要同佢講粥凍左先拎開隻手。

跟住新聞播緊〝陳冠希〞就不雅照片澄清開記者會，
阿媽就同阿B講〝呢個哥哥曳曳丫！〞，
阿B就立即用手做〝唔好~〞既動作，阿B你又識？

夜晚阿B又再次做〝大力士〞用2隻手拎起左支油行左幾步，不過，可能頂唔住最後掉在落地，好在冇整到隻腳仔咋！