今日買麵包比阿B時見到有新鮮出爐〝酥皮蛋撻〞，而阿婆又鍾意食，所以就買左。阿公都冇去飲茶，因為我整左〝自家製~腿蛋治〞和吃左個撻。
近排唔知點解個人成日都好攰，就好似‧‧‧
今日早上十點幾陪阿B落完街就陪佢訓覺，我訓左佢都未訓，阿婆要落街叫我睇住佢，我〝哦~〞左一聲後又訓返，佢係到週圍走又自己玩，唔知係咪房署整野嘈得滯佢唔訓呢？
我有時半夢半醒時聽到佢叫就睇下佢咩事，阿婆話煲好粥，但因為用魚煲，所以阿婆餵佢，直到12點幾阿B食完粥，我就同佢入房訓，但我攰到唔想起身想繼續訓，但因這個時間應該係維修工人的lunch time我要趁這時令阿B入睡，等佢訓得幾多得幾多，入左房一陣阿B就訓左，但我真係攰到起身的力都沒有，所以睡左一陣。
阿B訓左約2小時就起身，我就同佢玩下又洗白白，到左6點幾阿婆餵阿B吃粥，我就坐著看書，但一看書就幾乎連字都看不清，這樣只好放棄留待狀態好才看。
近日都在晚上12點幾就睡比平時1、2點早，不知為何都會這麼疲倦，我很少會疲倦，之前就算通頂我仍可以不睡直到晚上正常睡的時間才睡，因為基本上我像小朋友般睡少少就可以再繼續，莫非是我老了或是我有病，所以我的身體響起警號才這樣。後天媽媽放假希望我都可以休息一天。
會唔會係作感冒呀??? 我呢幾日都周身骨痛呀. 呢排好多人病, 保重身體呀!!! 食多 d 水, 食多 d 橙.
回覆刪除[版主回覆02/27/2008 18:12:00]ha~ha~尋晚睡前老公都叫我食粒〝特效必利痛〞，不過，我話唔駛，因為唔多似感冒，可能我有〝突然喝睡症〞 。今日個人好似好D，天氣難測~你都要多D休息，著多件衫。
酥皮蛋撻我都鍾意呀~haha~而家天氣反覆,真係要小心身體呀~早d訓仲好啦~養足精神嘛~
回覆刪除[版主回覆02/28/2008 07:34:00]早訓都係好攰，可能係時候要去check下。
天氣須然無咁凍，但好大煙霞，濕濕笠笠，好易令人攰
回覆刪除[版主回覆02/28/2008 07:36:00]除左以前返工先有而家這種攰的感覺，攰到個人只想訓 。
是不是要倍BB,他睡你就睡,所以睡得不夠,
回覆刪除[版主回覆02/28/2008 23:43:00]應該唔係，我諗我可能係〝腸胃炎〞。