〝乞嚏大魔王〞過情人節

今日〝情人節〞緊係陪情人喇！由於娣婦放緊最後一日假，可以唔回家湊阿B。上星期老公都有講過想問肥阿哥出讓2塊〝肉眼扒〞係〝情人節〞食，不過佢話都係唔好喇！唔係咁好意思。

尋日我問過老公想食乜？老公想食平D，因為新年果個星期已經用左好多錢，老公諗左一陣提意煮意粉，而我就諗住〝靜雞雞〞整老公最鍾意食既雞批。

尋晚半夜頭已經痛，今朝預備、執好老公出門口既野，然後叫老公起身返工叫極都唔起，最後我話佢知我頭痛先起身，頭痛訓下醒下十點幾都係痛就起身食粒長效。我諗住上晝買野，但訓到咁晏再食埋個杯麵又到人地lunch，所以過左lunch time先，好在咋唔係就唔知點算，因為之後肥阿哥2點幾來電有好野食。

肥阿哥問我係邊？又問我要唔要2塊〝肉眼扒〞？佢而家係屋企等緊送電視來，我叫老公放工去拎，咁你溶唔切雪，幫你溶定先喇！我前日去拎電腦先壞左電視，咁快手就買左新。

之後我就落街買野，入到〝惠康〞行左2步就暈一暈、跌一跌，之後去左街市買番茄，但全街市都係未熟橙番茄，所以冇買。回到家只係換衫過程已打左十幾個乞嚏，攪到眼水都流，之後仍然不停打，而鼻水流到不受控制，之前醫生講過我鼻膜薄係會咁樣。頭仍痛，我記起Grace話痛食朱古力應該可以舒緩一下，最好係黑朱古力，我食左普通朱古力就繼續整野，都忘了幾時開始頭冇痛。

老公上到去都冇入去一來個廳全地都擺滿野、二來冇落簾，佢要將D線再跟過頭都大埋，好趕咁比左包野老公講埋要溶晒雪煎先好食，唔好用水浸就〝拜拜〞，唔掛得知之前講埋密碼我知喇！

老公頭先唔覺意比2塊扒〝哼〞到隻腳，佢話硬過舊石頭，由於未溶老公回來就即訓。這2塊肉眼扒由晏晝溶到晚上十點幾先得，中途我有煲下水令室溫上升。我叫老公起身洗白白時就醃扒，其實扒靚唔駛醃~原汁原味，但唔知點解醃左，不過我都係醃好淡怕搶左佢本身既味，頭先無聊用左朱古力砌左個心形送比老公。