邊爐〝笑〞鍋～

16 February 2008

欲知前事如何請到：得閒鬆一鬆‧心情更輕鬆

今日發生左好多趣事，好耐未試過由頭笑到尾，大家都開懷大笑~笑不停。

尋日熊貓姐姐約左我地3點去按摩，原本約係目的地等，但我不喜歡搭地鐵就搭車去旺角轉巴士去，而高達叔叔要去旺角拎佢訂左既〝Lego〞，時間差不多就約埋喇！當然唔少得就開心果姐姐，佢有野做自己係目的地等。

我地會合後搭車途中，開心果姐姐來電已身在尖沙咀等我地，熊貓姐姐講地址叫開心果姐姐搵下間舖係邊，個地址係〝地庫〞，老公聽到係旁又話〝地府〞，然後熊貓姐姐笑笑口話〝下面等喇！〞。

突然，我又聽到熊貓姐姐話開心果姐姐早上約左人，晚上又約左人，中間有段時間空檔，剛好我地又去按摩，所以可以用我地來〝攝〞時間，老公話〝攝下~攝下~〞好易病架喎！

我地去到〝新世界〞落左一層後，開心果姐姐來電問〝我地係邊？〞，熊貓姐姐話〝我會帶佢地落嚟架喇！〞，我地預備落一層時老公又唔落佢認為係這層，我在旁話〝老公唔落丫！〞，然後繼續落。

按摩完畢就向熊貓姐姐家進發，我地冇耍樂，因為唔夠人開心果姐姐要去另一聚會。我地去左街市、超市買火鍋材料，並選用左麻辣湯底。

我聞到與台灣吃過的有所不同，不過下星期可能有機會吃〝四川麻辣火鍋〞，因為開心果姐姐從四川買左包麻辣湯包，如果加上油炸鬼會好好味。

高達叔叔用生雞蛋拌食，這隻雞蛋有2隻蛋黃，而我就用左這樽〝齡記〞辣椒做混醬材料。

頭先去超市買野時我順便換左個〝米奇〞環保袋，不過質地好薄，但有鈕可以扣埋。

我又幫熊貓姐姐的貓影相喇！不過好難對焦，所以有好多相都好蒙。影影下見到有樣野好熟口面，呢張餐墊與我買比阿B果張一樣既，熊貓姐姐話〝arm喇〞我都係買比阿B做餐墊咋嘛！

我又見到佢地換左個新厠所大左寬敞左，不過冇門，咪又影下囉！

入去電腦房見到有好得意既薯蛋，係變形金剛造型~幾型仔丫！

係薯仔旁又有真既〝變形金剛~柯柏文〞模型。

這個〝金鼠獻瑞〞係出自〝稻香〞，熊貓姐姐話大年初一去〝稻香〞飲茶係埋單時比左3個佢，但佢唔多想要〝稻香〞員工話每年都有派，熊貓姐姐打開後發現原來有錢架就拎左嚟放係〝存盒〞內。

打完邊爐熊貓姐姐提意食糖水，附近開左間新舖〝聰嫂〞係梁思浩和人(唔記得邊個)一齊開。

我〝楊枝金露〞、老公〝椰果涼粉黑珍珠〞、熊貓姐姐〝椰汁鮮奶芋頭西米露〞這3個都冇什麼特別，而高達叔叔〝薑汁芒果奶昔雙皮奶〞可能係我不喜歡吃薑汁，所以有D怪，佢地覺得冇咩野。

高達叔叔發現店內有幅書法的提字人個名好似係〝劉德華〞，我地大家都應同，但實際就唔知喇！