快、慢？~2008團年飯

昨日我講左下午1、2點就回到家製作團年飯的餸菜，咁老公又話要去〝惠康〞入貨，因為星期六、日買滿3百蚊有雙陪印花，但入貨前就要去食野先，所以我都問定老公幾點叫佢起身？12點幾叫我喇！

今日12點半叫老公都唔肯起身，要比多15分鐘佢，老公老是這樣，咪又係唔肯起，足知攪到約2點才去食野，食完野去入貨，入完貨回去放低就立即去買餸。

頭先係街上的菜檔買青、紅、黃椒時，由於落雨要拎傘又要比錢、條路又窄，係我身後有個人行過把傘〝啄〞左我幾次，我讓佢行攪到我銀包都跌埋，好在冇比人拎到，當時好鬼狼狽。老公係我身後4尺避雨和拎住餸，老公見到個人冇心，因為我頭上有簷逢阻住左、路又窄、大家都拎住傘~冇心既。

我4點幾才回到家，我開門阿婆就話我嚇死佢，咩事呢？阿婆話我講左1、2點來整餸，又打過去老公家冇人聽，阿婆以為我有事，我冇事~老公唔肯起身啫。我立即去整餸，但唔見魚柳，原來阿媽冇叫阿婆拎出來，我即刻叫老公拎出嚟溶雪，過左一陣阿媽放工回來，阿媽知道後就決定唔整。

阿媽擾攘左一陣就去〝惠康〞入貨，因為有雙陪印花，老公陪阿媽去拎野和計數。佢地落左街後，細舅母由鄉下來左明天陪阿公、阿婆回鄉，因為明天其中一個表哥〝渣〞車去深圳接佢地，其實，細舅父前幾日來電叫佢地唔好返，仲話上邊冚2張棉被都頂唔住，但應該係阿公想返，所以冇計。

肥仔身在肥阿哥家來電問幾點有得吃？老公問係咪開盤口丫？當時已6點幾。我叫老公幫手洗野，但阿婆話我點解叫老公洗？阿婆叫老公停手，老公緊係唔會喇！我見D餸已炸好，還欠炸多次和炒幾炒上碟，所以就去洗白白，之後再繼續。

終於8點15分就完成~開飯喇！今餐煮左7〝麥〞半米加少少冷飯，但都不是太夠食。我煮左4個小時覺得對我既紀錄來講算快，但老公覺得慢，老公我都盡力煮快D架喇！你都唔讚我，我有D唔開心丫！

非洲雞、春卷、生炒骨、香煎玉子豆腐、清炒紹菜、XO醬炒紹菜，還有阿媽外買海浙醺蹄、齋，仲有湯(唔記得湯名)。

〝豉油雞〞阿公一見到就笑話隻雞咁黑既，肥阿哥話係〝非洲雞〞。這次既汁好鹹，老公話雞肉冇味，上次比今次好。

〝春卷〞一向都好受歡迎，因為大家愛食，全部售罄~

〝玉子豆腐〞係阿婆、娣婦、阿B愛吃，正因阿B喜歡，我專登唔上粉和微煎，但凍左剩返好多，阿婆都話好食，吃剩的留返明天再吃。今次肥仔都讚煎得靚。

〝生炒骨〞阿公好鍾意食架！每次我都係用〝李錦記~酸甜醬〞做汁好方便，因為家中的生粉不夠，上粉用左澄麵，記得上網睇過用澄麵會脆D。

〝XO醬炒紹菜〞、〝清炒紹菜〞諗唔到煮咩菜，是但買左紹菜，不過菜真係貴左多。

〝齋〞、〝海淅醺蹄〞係阿媽買回來的。