感冒~老公

尋日老公話食完〝麥麥〞就開始想嘔、頭痛、頭暈唔舒服，回到家就上床休息睇電視，睇下訓下咁就訓左，都冇洗白白。今次老公真係好唔舒服，佢由尋晚到而家都係床訓和睇電視。

今日大伯來拜年食晚飯，尋日我應承左會回去吃飯，我都問左阿媽要唔要我煮餸？做我最拿手既〝春卷〞。阿媽今日打左幾次電話催促我回去，但係老公都未醒，佢唔舒服我想比佢訓耐D。

阿嫂2點幾來電話肥阿哥幫老公整好左部電腦，咁我今晚拎走。阿媽3點幾又來電問我幾時回來，老公聽到我有些掹就話佢週身骨痛又唔舒服唔去食飯，掛線後老公叫我自己回家食飯，我心諗咁咪冇人睇住你。過左一陣老公話‧‧‧

老公：一陣我去睇醫生，你回家先。

我：點解丫？

老公：費事煩。

我：唔駛喇！你都唔舒服。

講完老公再訓過，我就打比阿嫂部電腦要明天先拎。到4點幾老公起身起身洗白白，又要落街買麵包，我問左佢幾次睇唔睇醫生？佢又話唔睇，等佢洗完白白再問，就話是但。我換衫一齊去睇醫生，老公有少少發燒，並且有感冒，想嘔、頭痛、頭暈都係感冒的徵狀。有嘔想食野就食D乾D既野，例如：麵包。

離開診所後去左買麵包，老公想食雞批，跟住買雞批，經過有飯糰賣，又買飯糰，這全部都係我地既晚餐。老公話我個麵包好香，我見老公唔食飯糰應該唔夠飽，所以我將我個包留番比佢一陣吃。

上年12月〝阿B去做Test〞已回覆約左明天再去，尋日都同高達叔叔講過等阿B做完test就入去〝沙田〞行街，問佢去唔去？今日己約好明天佢會嚟一齊同阿B去做test，老公都聯絡左同屋住明天一齊行街，但佢叫我地明天打比佢老婆約，咁明天再約。