日式變中式

原本今日幫同屋住慶祝生日，但後來改了星期五。前幾日已講好去〝尖沙咀〞食日本放題，跟住尋日又係〝旺角〞訂多間食日本放題，2邊都訂左間房！

尋晚老公接到正義叔叔電話，老公話食飯改左星期五，但正義叔叔專登與同事換更放星期三，所以又改回今日食，由於時間迫切改為酒樓食飯，但又要諗去邊間邊到。

今日近晏晝再接到熊貓姐姐電話決定去〝九龍灣~明星〞，果到消費滿三千蚊就可以有間房，但係我問係咪一定要叫餐？因為有D要叫套餐先有房，我唔記得熊貓姐姐點答我，不過佢意思係酒樓話消費過左三千就可以。

嘩！今日有15個大人、4個小朋友，所以我就叫埋肥仔去，等阿B見多D人。我地去到酒樓旁邊的舖頭見到CoolMan叔叔傾左幾句，然後又見到同屋住由裡面行出嚟，佢地同我講有些人係酒樓講緊數，我立即打比老公，佢而家與正義叔叔和一些朋友係酒樓與經理對話。

經理話間房開2圍，有3個套餐$2688、$3288、$3888，每圍最少要$2688，但其他野唔包，佢可以比我地開一圍半。經理話聽電話係公關可能係溝通問題，出於一間房與一圍的問題，但我地都係冇幫襯。

後來我地去左〝淘大3期~昇悅〞食飯，熊貓姐姐一到就〝say sorry〞，不過我地都唔介意，最緊要開心。果到上菜快到不得了，一次過嚟幾個菜未食完又嚟多個，攪到張枱都唔夠位擺，我地叫左佢慢D，佢話hold左，但情況都冇改過，佢話冇喇！出晒，你地出晒，但我地未食晒呢？好似趕收工、趕我地走咁。係餸未嚟前開心果姐姐去完旅行請左我地食〝毛牛乾〞，阿B見到又想食。

我地唔止有野食，仲有手信架！男仕就一包〝Mild Seven〞，女仕就有〝熊貓掛飾〞。眼前有咁多~真係花多眼亂都唔知簡邊個好，但心中有2個心水。我就叫我身旁既阿B幫我簡，係咁多個裡面阿B簡左我心內喜歡的其中一個。

之後佢地去食糖水，因為阿B要回家食奶，所以我地冇去。