得閒鬆一鬆‧心情更輕鬆

尋日熊貓姐姐問我去唔去按摩？可以按頭、肩、頸、腳。其實，我都好少去按摩可以用5隻手指數得出。果到既技師係讀完僱員再培訓果程，我見唔貴好過返大陸，又慳時又慳錢，跟住夜晚睇電視有介紹，不過係上門按摩服務。

老公一向都不喜歡按摩，佢整個人都好敏感，稍微觸碰都會成個彈起，所以今天他只是做旁觀者。

這間店燈光昏暗在外經過時給予我的感覺好像一間有情調的美容院，所以我與熊貓姐姐經過都不察覺，當時我地想繼續向前行，但見佢地係我地前面入左間舖，仲問佢地做咩？先知原來到了目的地。店內沒有地方供人等候，所以老公都係拎櫈仔坐係我地對面，按完就要走，因要讓位給其他按摩者。

我很滿意幫我按摩的技師，原本是熊貓姐姐的技師，但她怕男按會好大力，所以我與他對換，我的賤骨頭又點會怕痛。

技師頗健談又能按到我大部分的痛處，他還說我的情況都好嚴重，咁樣都好難訓到覺，他沒有說錯，我每晚睡前要貼〝撒隆適〞才可入睡。按摩的過程中，我大多感覺唔到平常人的麻痺感覺，只是感到用力按著，技師話有些地方應會感到麻痺，這是我的經胳閉塞得非常嚴重所致，只要我做多幾次就可以。

老公見我地按完即同我講見佢地按頭時個樣好舒服，熊貓姐姐話按到想訓添！開心果姐姐再按耐少少就訓着，我見老公好似想按就問佢試唔試，但佢又話唔駛。

這次的按摩後，我的肩頸真的鬆了很多，我地都很滿意各自的技師，除左高達叔叔。老公是旁觀者，所以睇到我地各人的情況，佢見到高達叔叔個技師唔多好，係按頭時好似幫佢梳頭咁，按其他地方就好似輕輕掂下，仲話佢中途換左個按摩師，唔通個技師真係唔掂？原來係第一個技師夠鐘落班，所以要換另一個，但第二個比第一個更加唔掂，其他3個技師我地都好滿意。

剛才技師問左我一個問題另我〝大惑不解〞，他問我〝以前係咪做車衣？〞，我立即冒汗心想〝我似工廠妹咩？〞，唔係～我係做文員。回到家我講比老公知佢都笑，老公話〝人地見你咁既身世，以為你以前做苦力。〞。

開心果姐姐約左人按完後就分道揚鑣，我地就去熊貓姐姐家打邊爐。

欲知後事如何請到：邊爐〝笑〞鍋～

鬆一Zone按摩專門店

服務時間：星期一至日 (公眾假期照常服務) 早上11時至晚上9時

預約電話：2135 9733、2135 9722

地址：尖沙咀梳士巴利道18-24號新世界中心地庫B207-208

網址：http://www.erb.org/guic/ms_zone.asp