新洗衣機‧老公的二獎

我一起身個肩頸好痛連帶個頭都頭有D暈和不能用力，但我要回家幫手，雖然，尋日開始阿媽連放4日大假，因為新年前幾日家中的洗衣機好似壞壞地，阿媽話洗衫時好似打風咁既聲，所以星期一老豆和阿媽已買左部新洗衣機，等今日晏晝送嚟！

我地唔知部舊機用左幾耐，只係知道好耐，但搬出嚟時就見到原來部舊機係1998年11月買即是係差不多用左十年，以前部舊機係〝金章〞好多人都話係最耐用，但係貴，不過，一分錢一分貨就係真既，而家新機係〝惠而浦〞可以洗7kg衫，舊機只可以洗5kg，有時多衫都要開2機洗。

今次我食左朱古力和長效都係唔得，我想早D回去，但要湊阿B，後來沖左個熱水涼好左好多。

今晚老公公司老闆last day，所以唔嚟我家食飯，咁我地可以早D食飯，我早D走。老公公司之前Annual Dinner上大陸食，而香港同事冇得抽獎，因為D獎等今日先抽，而抽唔到獎既就有4百蚊現金+超市購物禮卷1百蚊。

老公抽到〝二獎〞有MP4一部、八百蚊現金、超市購物禮卷1百蚊，老公入了這間公司7年是第二次Annual Dinner中〝二獎〞，第一次係初入這間公司抽到。

老公同事話呢部係大陸品牌又係cheap野價值幾3、4百蚊RMB，佢公司人同事話一舊水同老公買，但老公睇下我要唔要先，我要嚟睇下戲或者比阿B睇下都好丫！老公研究左好耐，但太夜佢明天拿回公司叫同事攪。老公話MP4既戲一套1G幾，部機得1G，不過好似可以插卡，老公見我話要就等研究完我唔要先買比同事。

老公每次出街食飯回來實問我食唔食野，我諗住食〝麥麥〞，但老公今次係尖沙咀搭地鐵返嚟！我想食，但老公唔食，我又唔想老公行咁遠喎！不過，老公都唔怕，咁我就食最近的〝肯得基〞，但冇晒辣雞，老公就行去〝麥麥〞買辣雞翼比我，佢經過壽司店未收問我食唔食？我叫佢買螺肉和肉鬆飯糰，雖然老公話唔食，但佢頭先實冇啖好食，後來我地都係一人一舊飯糰。