眼淚盈洭再戰Salon~

阿B近排天氣咁凍都好早起身，以前天氣一凍就好似冬眠咁好晏先起身，可能係大個仔左喇！不過，小朋友應該係早睡早起的，但娣婦就慘D又要早起。

我今日8點多D就回到家，因為又係回家〝自家製~腿蛋冶〞唔駛買早餐。阿B已中場休息，今日只吃剩一安成績好左，見佢又有D眼訓，我就〝拿拿淋〞整蛋冶食完就帶阿B落街買包。

我唔知係咪尋日隻蛋有少少煎燶左，所以今日問佢食唔食又擰頭，將個包放係佢個嘴前立即擰轉面。突然，阿B又痾臭臭，每次都係換左一條新片先痾，阿B一條片好貴架！我諗可能佢想痾臭，所以唔食包，換完片再比佢就食喇！

阿B由出門口、搭電梯、行樓梯都係自己的，到左出閘先要抱，佢行左咁多路我梗係抱佢喇！買完麵包唔肯行我就比1蚊佢坐車，坐完又唔行，咁我抱佢一陣再氹佢行。我家3樓有個大平台，阿B都好鍾意係果到行樓梯，我去到放低佢迫下、引下佢行，行行下就肯，我地係〝太陽伯伯〞下一齊跑、行、行樓梯、睇車不知幾開心。

我陪阿B訓，但佢碌碌下又走去玩，我頭痛和骨痛冇理佢繼續訓係到，係濛瀧間聽到阿媽返左嚟！再隔多陣又聽到有人回來~又係阿媽？阿媽話阿B坐左入去，過多一陣就起身睇下咩事，我見到阿B坐左係個紙箱入面，我諗頭先阿媽返嚟放低左後再出去。

阿媽問叫我陪佢帶阿B去剪髮，但我唔舒服唔去，唯有改另一日。阿媽見阿B唔訓就餵佢食粥，咁我就執屋，食完粥阿媽想帶阿B去剪，阿公就話陪佢去，但佢地點攪得掂阿B，我就同佢地一齊去。

我地門口都未出阿媽就話抱阿B，出到去我就叫佢放阿B落地，剛巧見到個師奶和佢老公，師奶都話唔好抱，衰豬又要扭抱阿媽又想抱就比我鬧〝之前話佢唔行到而家行又抱〞。

我地入到去Salon髮型師就比張高櫈阿B自己坐，我地就係旁邊扶住佢，唔夠半分鐘就喊，不過，就冇第一次喊得咁勁~好似〝湯〞豬咁，今次都係喊下停下。我冇帶相機和電話就用左阿媽個電話影相。